محتاره واحتاج شوركم الموظفات والمجربات

إذا وظيفة أي كلام براتب 3000 أو 4000 لا ماتسوى لأنك راح تدفع للحضانة والخدامة نص هالراتب
يعنى ألفين طلعيهم من وظيفة سعودة وانت بالبيت

أنا اقولج من واقع تجربة
المرأة العاملة شي أبد مب هين وتحتاج يكون الزوج على قدر من الثقافة والنضج والطيب والتعليم


كل هذا اولا عشان يقبل فكرة انج تتوظفين قناعة مب حاجة. خايفة انه يحس ان التقصير منه وتبدا رحلة النفسيات والغيرة ووجع راس وللاسف معظم شبابنا عقولهم متحجرة واخاف ينقلب الموضوع عليج هذا اولا ! وثانيا عشان يتقبل فكرة الحضانة ! بالنسبة لي افضل اودي عيالي حضانة ولا انه اجيب حد
في راي ي اتمنى توقفين الحمل ان امكن هذه الفترة وتنتظرين لما يدخلون الروضة كذا تقدري تداومي وانتي مطمنة
وانا لما اشتغلت اقنعت زوجي اني ابي اتوظف عشاني في اشياء بنات جرام اخذ من راتبك عشانها يعني اشياء دلع ومالها لزمةوبعد في نفس الوقت اوفر كمن درهم يمكن نحصل ارض ونبني واقتنع ! طبعا في حالتج لا بيقول انا وين وانتي وين !! كان فقط على سبيل تلمثال


وانتي ادرى بزوجج بس لا تصرفين على البيت حلج حال لرجال شاركيه في ديونه فقط بمبلغ محدد فقط
لا افراط ولا تفريط


بعض الاحيان انج تعيشين بيت اهل الزوج نعمة بس اذا كانو طيبين0-0