السلام عليكم بصراحه هذا اول موضوع اشارك فيه
شوفي يااختي الرضيع ياخذ 95% من كفايتهبالخمس دقايق الاول و5% الباقيه بالخمس الاخيره ويعني هذا ان عشر دقايق كفايه بس انتي زيديها خمس ثانيه للعطف والحنان وبعدين ارضعيه من الثدي الثانى يعني 15د لكل ثدي وبعدين لا ترضعينه بعدها الا بعد ساعتين من الرضعه الاولى تكوني بكذا نضمتي وقتك واعطيتي ابنك كفايته لانك اذا عطيتيه اكثر من كذا ماراح يستفيد الموضوع اكثر من كذا ولاني مشغوله الان اوعدك راح اكمل في وقت اخر

اهلين اختي
انا تقريبا عشت نفس الظروف الي عشتيها بس الاختلاف اها اول مرة وبعيد عن بلدي واهلي تخيلي !!!!!
لكن طلعت بخبرة لا يمكن انساها
المهم انا بصراحة كنت ارضع ولدي طبيعي كل اليوم معدا رضعة الليل الي قبل ما انام صناعي عشان ينام فترة اطول يعني من ثلاث الى اربع ساعات وايضا عشان انا انام على الاقل ثلاث ساعات على بعضها ولان الصناعي اثقل من الطبيعي
وبالنسبة لكمية الحليب الصناعي ابتديت باثنين اونصة تقريبا ستين ملي
وبعدين لما كمل شهر زدتها اونصة ثاني وهكذا ازود كل ما كبر شوي
والافضل تعودينة على الاقل على رضعة وحدة صناعي عشان ما يستنكرها بعدين
وعشان الحليب يطلع من صدرك استمري في الرضاعة وحاولي ترتاحين وتكثرين سوائل وقبل ما ترضعينة جيبي كمادات دافية وحطيها على صدرك يفرز الحليب اكثر
واي شيء تبغينه امري وانا اجاوبك

ســــــلام
وفيت بوعدي ورجعت لاكمل مشاركتي قلت لك الموضوع طويل والمعلومه الي كتبتها ماكتبتها الا وانا متاكده من كلامي لانه كلام طبيبة ولدي عمره 9 اشهر تقول لي لا تحطينه على صدرك كل مابكى لانه مش بالضروره يكون جوعان وتكوني ما اعطيتي نفسك وقت لانتاج الحليب الكافي لرضعه الجايه وعلى العموم بكاء الطفل في هذه المرحله عادي جدا يكفي عليه انه طلع من المكان الهادي المظلم الى عالم غريب عليه معتاده اذا كنتي مرضعته
بالطريقه الي قلتلك عنها ومغيره له وماعنده غازات او مغص ما عليك الا انك تضميه لصدرك وتدهدهيه وتسمي عليه لانه راح يتعود يمص ثديك وهو مافيه حليب وكانه لهايه له ماعليه لازم نتحمل شوي مع اني عصبيه بس الله يهدي الجميع ويصلحلهم اولادهم اتمنى اني افدتكم و ما اكون طولت

اهلين اختي ليدي 2001 ويعطيك العافيه على النصائح واكيد انك افتديني..طيب حبيبتي لو معليك امر شلون اسوي مع المغص والغازات لان بنتي تعاني كثير منها وانا ما عندي خبره لانه ولدي الاول ما كان يعاني منها. وانا استنى منك اي نصائح ثانيه

تسلمين عيون الغاليه.
انا ما احب اعطيه صناعي عشان ما اتكاسل واترك الرضاعه والا طريقتك كنت على وشك اني اسويها لولا نصائح عزيزه العزيزه،وتسلمين ياعمري على المعلومات المفيده.