محتاره وش اسوي// عدوى الزكام

الأمومة والطفل

السلام عليكم اخباركم يالفزعات
مدري موضوعي هنا صح ولا لا ي مشرفات اعذروني
الزبده اخوي سافر وجاب حرمته وعياله الصغارعندي هم ولد9سنوات وبنت 5 وولد اربع شهور المشكله كلهم مزكمين وكحه وسيلان وحراره
وانا عيالي بنت 18وبنت 12وولد 9سنوات وخايفه عليهم
صعبه ينعدون واحنا باجازة وعندنا سفرات وش اسوي مالي غيركم....الفزعه
3
900

يلزم عليك تسجيل الدخول أولًا لكتابة تعليق.

تسجيل دخول

حرم عبدالوهاب
حرم عبدالوهاب
الله يعينك ... انتي مثلي بأول ايام العيد ولدي صغير اعداه ولد عمته زكمه وكحه .. وقعدت اعالج ولدي وش اسوي ... مالنا الا الصبر ونعالجهم ونحتسب الاجر .... الله يشفيهم ... لازم تعالجونهم عيال اخوك عطيهم فيفادول .. وودوهم للمركز الصحي او اسعاف سلمان يعالجون حرارة وزكمه . او تعطيهم امهم بخاخ الانف وفيفادول ... وانصحك بالليمون وعسل .. حلو يقوي المناعه بإذن الله .. تسوين لكل واحد من عيالك وعيال اخوك كاس .. تعصرين في الكاس نص ليمونه مع ملعقه كبيره عسل اصلي طبيعي .. وتصبين مويه تملين الكاس وتحركينهم وبالعافيه . طبعا هالعصير للي عمرهم اكبر من سنه
um joud
um joud
عادي مو شوط تجيهم العدوى الا اذا مناعة عيالك اقل من الطبيعي او احتكو فيهم مباشرة مثلا احد منهم بيلعب الصغير واشتغل تبويس وتحضين وعطس في وجه البيبي احتمال ينعدي
لان فيروس الزكام ماهو واحد انواع مختلفة واذا نوع جاك منه وربي شفاك ماعاد يصيبك ولاتنعدي منه اذا جا لاحد قريب منك فاحتمالية العدوى ماهي100٪‏ بعد قدرة الله
وعموما انت كثري لعيالك عصير ليمون واعطيهم على الريق ملعقة عسل عليها عصرة ليمون و7 حبات حبة البركة
في عسل عندنا يتباع بخلطة زنجبيل جدا ممتاز ماعرف اذا متوفر عندكم مثله
عموما اذا مافي خذي زنجبيل طازج ،، ابشريه ناعم وجيبي قارورة عسل واخلطي معاها الزنجبيل واحفظيه في الثلاجة وعلى طول اعطيهم ملعقة الصباح
انا بعد قدرة الله تعالى هذه طريقتي مع اولادي
والحمدلله اول مايبدا معاهم اعراض التهاب حلق من بعد ماياخذو ملعقة العسل بالزنجبيل ماتعدي ساعة الا يقولولي راح الالم الي بالحلق والحمدلله
هذا العسل
Non3li
Non3li
قل لن يصيبنا الا ماكتب الله لنا
اللي عليك انك تزيدين مناعة عيالك بفيتامين سي
وتبخرين البيت كثير عشان يقتل الفيروسات
تبخرينه بمغلي النعناع (نعناع اطبخيه بمويه لحد مايطبخ ودوري فيه بالبيت)
والحافظ الله سبحانه الله يحفظهم ويخليهم لك من كل شر وسوء