محتاره وش اسوي مع زوجي !!

السلام عليكم والرحمه



انا صارتلي مشاكل بيني وبين زوجي ،،احنا تزوجنا عن حب الحمدلله واستمر لين قبل 3 شهور الرجال تغير صار ما يسال عني ولا عن ولده تاركنا عند اهلي ومسافر عشان عنده مشاكل في الشغل

لما جا عندي هالمره صار يجرحني بالكلام ولما نطلع نبي نتمشى يقلب علي ويصير يناديني يا نذله يا نفسيه وانا اسكت عشان ما اكبر الموضوع ولو تكلمت يصرخ ويعصب ويرجعني البيت ومايكلمني ،،وحتى جسمي يطلع فيه بقع زرقا لما ازعل يصير يعايرني يقول كانك بدلة جيش :confused:

يا بنات ما يحترمني ويدلعني الا وقت الفراش واذا خلص رجع نفسيه..

صار يتشمت حتى بمرضي ،،المهم انه قال رتبي ملابسي بسافر اتخذ هالقرار لوحده قبل الفجر
رتبتها وانا ساكته لاني اعرف كان يبي وقتها مشكله عشان ياخذ جوالي وصرافتي ويروح يسحب منها ويبيع الجوال بس انا تمالكت اعصابي ورحت رتبتها

صار يختلق المشاكل ويصرخ وانا ساكته المهم طلب مني اطلع معاه اسحب له فلوس وهالشي غصب عني المهم قلت طيب وخليته لين طلع وقفلت الباب وراه بالترباس خليته بالشارع ،،ودقيت على اخوي يجي يبعده عني والحمدلله راح الشر عني ذاك اليوم

طلبته يطلقني مو راضي،، وقام يصرخ علي وعلى امي ويطلع كلام كذب عني اني ماحترم اهله واني اكلم بالجوال اخر الليل واني اسب اهلي قدامه .... الخ :11:

طبعا اهلي يعرفون انه كذاب وطردوه قالو لما تترجل وترجع شغلك وتاخذلها بيت نسلمك بنتنا

*********>> المهم ارسل لي رساله امس قال صار علي حادث وتعبان ابيك تسامحيني وخفت عليه وكلمته سمعت صوته تمام بس قال بيوديني واحد للمستشفى يده وبطنه مصابات قلت طمني عليك وماعاد دق!!

بنات شورو علي،، ارجع اكلمه واتطمن عليه والا اتركه خلاص؟
انا لما قال واحد بيوديني يعني مافيه اسعاف وصوته عادي ومتصل بالواتس اب لين بعد الحادثه بساعتين انا متطمنه بس اخاف يكون فيه شي واطلع قدام اهله قليلة خاتمه

انا ماراح اسامحه ع حركاته بس ودي اعرف لو انتو مكاني بتكلمون اهله تطمنون عليه وتكلمونه والا بتظلين زعلانه؟؟

والله محتاره حتى نوم ما جاني :(

ولا عندي احد افضفضله ويعلمني الصح من الخطا ،،امي تكرهه لاني اخذته غصب مايبنونه ماراح تفيدني بتزيدها علي