محتاره ونفسيتي جدا تعبانه ساعدوني كيف اقنع زوجي

السلام عليكم ورحمة الله وبركاته
كيف حالكم يالغوالي
انا سابقا ساكنه بيت اهل زوجي لنا اربع سنوات متزوجين
صارت بيني وبين اهل زوجي خلافات وطلبت زوجي شقه خارجيه وطلعنا برا لنا سنه
طبعا زوجي ابوه متوفي من قبل كم سنه وزوجي عنده اخوين اكبر منه وهو الصغير فيهم
المهم اخو زوجي الكبير ساكن برا لان حصلت مع زوجته واهله مشاكل وطلع
الثاني اهو ال ساكن وياهم ومب مقصر خادمهم والله والحمدلله بنى له ارض وقريب تخلص وبيطلع
كلم اليوم زوجي وقاله الى متى بتاخذ لك ارض ملك ومن هالكلام
وزوجي الان جالس يمسك وبيدخل جمعيه مشان ياخذ ارض عاد اخوه قاله البيت صعبه يضل بدون محرم وخواتي بنات وامي وش بيقولوا الناس
قاله ببيعك نصيبي من البيت ونصيب خواتي المتزوجات ببيعك اياه وزوجي مقتنع حيل بالفكره وقالي لاتتكلمين جنب احد
وقالي وانا ماني مرتاحه قلت له انا مرتاحه بشقتي قالي بس كلام اخوي مقنع شلون خواتي لحالهم وامي بالبيت انا سكت قلت خل افكر قالي ببني لج بوابه خارجيه بالدور الثاني ومن هالكلام
استخرت وطلعت تعب
وانا من اسستخرت ونفسيتي جدا تعبانه عارفه زوجي مراح يقبل ان قلت له مابي مدري نهاية حياتي وياه وين بتكون لان اهو منبسط بقرار اخوه