محتاره ياريت تساعدوني

السلام عليكم ورحمه الله وبركاته
كيفكم يابنات احلي منتدي بالدنيا ان شاء الله تكونو بصحه وخير وسلامه وامنيات محققه ان شاء الله لكم جميعا
والله اني بحيره مايعلم فيها الا الله وان شاء الله مو مشكله بس ابي شوركم كالعاده مالي غيركم انا صار لي فتره ادور علي وظيفه والحمدلله لقيت وظيفه ويبون بس ارد عليهم الموافقه وزوجي موافق وماعنده أي معارضه خاصه الوظيفه مجال نسائي تماما ومافي أي اختلاط بس في كذا سبب أولا الراتب 3000 ريال فقط وبيروح منها 500 للسايق يعني بيصفا لي 2500 ريال فقط والشي الثاني انه الوظيفه شفتات شهر ليل وشهر صباح وهالشي بيكون متعب شوي والشي الأهم ماابي اهلي يعرفون كم راتبي احنا الحمدلله وضعنا كويس مو فوق ولا تحت بس مانحتاج لاحد ولو درو اهلي اني اشتغل ب3000 بيجيهم كذا تفكير وأول شي انه احنا محتاجين والله يشهد علي السبب الوحيد اني ابي اجمع لي مبلغ واسوي أطفال انابيب زوجي مو راضي يدفع وخاصه نسبه نجاحها مو قويه مره وثانيا يمكن ينضغط ماديا لانه ورانا ايجار ومسؤوليات فانا بشتغل عشان هالشي فقط ومستشفيات الحكومه حبالها طويل جدا راجعناهم كثير وقال له الدكتور ريح بالك طالما عندك ولو نسبه حيوانات ضئيله مابيسوون لك العمليه ادعو لي ربي يوفقني سواء بهالوظيفه او غيرها وانه ربي يعطيني الذريه الصالحه ان شاء الله قريب
واعرفكم ماتقصرون ابي شوركم ضروري لانه عندي فقط 3 أيام عشان ارد عليهم للوظيفه لا تنسوني ادعو لي بنات وربي محتاجه لكل دعوة منكم