محترة محترة من شغالتي ( الجزء الثاني) >>> 28 / 2

السلام عليكم

كتبت موضوع جديد نفس عنوان موضوعي السابق واللي ماكان عدها فكرة ترجع لهذا الرابط

http://forum.hawaaworld.com/showthread.php?t=1525702


بس بنات قبل ماأبدأ باللي صار على فكرة اني موظفة وضليت سنة أشتغل وبدون شغالة وماشكيت لا لزوجي ولاأحد ثاني.

لاني بصراحة اني ماأحب الشغالات وماأستنظفهم بالمرررررررررررة. المهم اللي صار زوجي ماقبل على الوضع وقال نجيب شغالة مشان الأولاد من يرجعون من المدرسة يلاقون حد في البيت بدل مايروحون للحضانة وصار اللي كل الي صار في موضوعي السابق اللي وضعته في الرابط. وللعلم من كنت ابدل شغالة اضل فترة شهرين علما تجي المحروسة الثانية واني مأدية واجبي على أكمل وأتم وجه من طبخ وحتى أسوي حلويات في آخر الأسبوع بس أجيب واحد ينظف عندي آخر الأسبوع وخلال الأيام انظف على الماشي.

الحين اللي صار رفعت شعار لا للشغالة الندونيسية بعد اليوم رحت قلت ماأجيب الا الفلبينية

المهم جبت الحين الفلبينية ومسلمة وعمرها 34 سنة وبملفها قالوا لي غير متزوجة وبعدين طلعت متزوجة وعدها اولاد اثنين ومشتغلة بالسعودية 5 سنوات من قبل ماتجيني والحين هي منفصلة عن زوجها

وكما هو معتاد قلت لها ممنوع يستعمل موبايل وسحبته منها وقلت لها يوم تجين تسافرين اعطيه لك وقالت شلون يبي يسوي تلفون لأهلي كان عندي بطاقة تلفون رحت حطيتها في يدها وقلت لها هذي بطاقة وسوي الحين ردت قالت شلووون بابا مال اني يبي هو يسوي تلفون قلت لها مافي مشكلة هذا رقم تلفون بيت اني وقولي بابا يسوي هني تلفون سكتت وسكرت ابواب الحجج عليها :hahaha:

وقلت لها على الكاميرا وقلت لها اللي قبلك جابت صديق للبيت واني وديتها شرطة وطبعا كذب احنا في وقتها سفرناها

ماصار لها 8 ايام واناديها تعالي انيسة نسوي غدا ماترد انيسة انيسة !!! مافي رد رحت لها للغرفة اشوفها حاطة منشفتها على وجها وتقول راااسي هي قالت راسي واني لزمت قلبي قلت ياربي لا تطلع تمثيلية قلت لها اجيب لك بنادول قالت لا عيوني ماأشوف عيوني كذا وماأعرف الوصف مالها تقولون راحت فيها البنت قلت لها اوديك على دكتور ترد لا، زين هل هذي اول مرة ترد لا صار في الفلبين زين رحت على دكتور قال ايه زين شقال الدكتور ولا شي

طلعت من الغرفة ورحت لزوجي وقلت له الله يستر منها كأنها الوضع ماعجبها مثل اللي قبلها كاميرا على الباب.

المهم ماأريد أدخل بالتفاصيل وأدوخكم أكثر راح زوجي اتصل بالمكتب وكلمها ابو المكتب ساعة تقول مافي أكل عدهم واحنا الحمد لله خيرنا كثير مابقى غير بس تاكلني الي وساعة تقول خذوا مني الموبايل واريد أكلم اهلي مايخلوني !!!

المشكلة موهنا كلمة منا وكلمة من هناك وصارت مشكلة بيني وبين زوجي وزوجي عصب تعالي اتركي الشغل وكعدي بالبيت وبعد مافي شغالة قلت له ليش نودي الجهال في الحضانة قال حضانة مافي

قلت له شغلي ماأتركه والله بنات اني أحب شغل البيت وبالرغم من دوامي طويل ماأنام الا ماأغسل الصحون وأنظف المطبخ بالرغم من كل تعبي وحريصة على الغداء ونظافة الملابس وملابس اولادي اللي مقصرة في شي واحد هو تدريس الأولاد على ابوهم لاني ارجع متأخرة من الشغل وأتوقع هذا الشي بدأ يزعج زوجي على تدريس الأولاد والله من بكرى بعد مايلزمهم واني استلمهم شدعوة واذا ساعدني في تدريس الأولاد.

واني بعد ماقصرت بعد الهوشة ويه زوجي رحت للشغالة وطلعت اللي قضى واللي مضى فيها واني شكيت فيها من اول يوم جاية وملابسها جديدة مو شكل وحدة محتاجة لدرجة تترك اطفالها مشان الراتب ماأدري أستغفر الله.

المهم أخذها زوجي ورجعها للمكتب ورجع للبيت وخذ الأولاد يتغدون برى وحتى ماقال تعالي معانا ماأدري شنو وشسويت
والحين ماأدري شلون أتصرف ماأريد اترك شغلي الحين اطفالي ومدارسهم والمشكلة مع زوجي. وابني لسه ماوديته للروضة مشان الباص مايقبل يوصله للحضانة لانه الطريق يصير بعيد عليه.

ماأعرف أريد حلا وماأريد أعتذر من زوجي لانه بدى يضرب على الوتر الحساس ويريد أترك شغلي واني قلت له اذا اترك شغلي معناها ارجع لبلدي ولأهلي ماأبقى هنا

واذا البنات راح تقولون طيعي زوجك وأتركي الشغل أقولكم اعطوني حل ثاني لانه مستحيييييل ولي اسبابي