محتره وابى الفزعه اتزوجه او مااتزوجه ؟

الموضوع واضح من عنوانه بس قبل مااستشيركم بعطيكم نبذه عنى انا موظفه ارمله لخمسه اطفال عمرى 39 سنه الحمدالله شخصيتى قويه مشكلتى تبداء احنا من عايله متوسطه الحال تزوجت زوجى وعمرى 17 سنه وهو عمره 58 سنه كان صديق لابوى وخطبنى منه وابوى على طول وافق انتقلت وعشت فى بيت فيه 3 حريم و15 طفل وتعايشت معهم الى ان اكتشفت فى يوم ان زوجى اشترى بيت لحريمه ونقلهم فيه وانا تركنى بالبيت القديم وطبعا لانى اشتغل صممت انى امن مستقبل اولادى فشريت لى بيت خاص وعشت فيه ومع مرور الايام اكتشفت ان زوجى العزيز تزوج شغاله فى بيتهم ونقلها للعيش فى بيت بمفردها ولماسالته قال مسكينه طول عمرها عايشه خدامه خليها تحس انها زوجتى حالها حالكم ومن هنا انقطعت علاقتى فيه صار مثل الضيف يجى عندنا ويروح وبدت المشاكل وانهارت حياتى معاه كرهته وكرهت كل شى يذكرنى فيه تصوروا لدرجه ان 3 من اولادى ماضافهم فى كرت العايله ولما اساله ليه يقول ان شاء الله قريب احل المشكله طيب وش هى المشكله ؟ مايقول واخر شى اكتشفت بعد مامات ان عنده قضيه بالاحوال وانه يحمل بطاقه احوال مزوره صدمت فيه وانصدموا بناته فيه وعشنا ايام الله يعلم بحالنا عارفه طولت عليكم بس ابيكم تكونو معاي بالصوره طبعا الحين انا اعيش فى بيتى مع اولادى وامى واختى واخوى امورى كويسه بس ينقصنى رجل فى حياتى يعنى لو ابى اي شى فى الدوائر الحكوميه مااحصل احد اخوانى لاهين ومايسون لى شى حتى اغراض البيت انا اروح واشتريها حتى السفر بناتى خاطرهم يروحون مكه بس ماقدرت اوديهم لان لازم محرم اخوانى مو فاضين واخوان عيالي مايدرون عنا الحين تقدم لى شخص عمره 42 سنه ماقد تزوج من قبل على قد حاله وانا افكر انى ارتبط فيه بس خايفه ان بناتى يتأثرون او ماادرى مع ان بناتى مو معارضين الفكره ابد محتاره وابى اخذ رايكم ؟