اختى العزيزه بما انك جديده على التجاره لا تصرفين

كل المبلغ ولك بعض المشاريع البسيطه

(1) تحطي لك عامل يبيع لك بالونات مملؤه بالغاز وممكن يجيك طلب لعمل بالونات للحفلات .

(2) ممكن ماكينه الفشار( الذرة ) شغله سهله وتربح وما تكلف .

(3) حنايه هنديه في البيت تحني الناس.

(4) تحطي سياره تملئيها مستلزمات عائليه من ملابس وادوات مكتبيه وغيره وتلف على المنازل البعيده عن الاسواق.

(5) مشروع ماكينه تفقيس البيض احسبي تشتري ماكينه البيض وكرتون البيض الطازج ممكن 15 ريال وبعد ما تفرخ تبيعي الفرخ 3 ريال وعلى حسب كميه البيض ممكت 200 بيضه في الشهر 200*3= 600 ريال في الشهر.

(6)) سياره تبيع الايس كريم او السندويتشات.

(7) عمل شاي وقهوة للاعراس والحفلات الخاصه.


(8) كاميرا وتحطي لك عامل يصور الناس والصورة عندنا في قطر 10 ريال شوفي الفيلم كم فيه وانت الكسبانه.
9) عندي لكم فكره جديده وهي تجليد دفاتر تحضير الدروس وعمل حركات جميله على الاقلام . ممكن تاخذي الافكار من منتدى الاشغال اليدويه
(10) عندي لك فكره جديده اذا انتي شاطره في عمل البيتي فور شي حلو.

(11) اذا انتي شاطره في الخياطه اعملي مخدات باشكال حلوه .

(12) عندي لك فكره حلوه للمواليد حنا عندنا في قطر مواليد الاطفال حديثي الولاده يسمون الثون ( ثوب العافيه) قيمته 5 ريال وهو عباره عن ثوب ابيض خفيف وعليه تطريز ناعم . مثلا اذا انتي اشتريتي متر القماش 5 ريال وخيطتي 5 ثياب 5*5=25 انتي الربحانه وبامكانك عمل غير الثوب حنا نسميه ( مهاد ) وهو عباره عن قطعه كبيره تلف على الطفل
13)فكره جديده وهي الزراعه تزرعي شتلات صغيره سواء نبات داخل المنزل او خارجه ( مثل شجر الظل) (النعناع والحبق والريحان وغيره كثير)

المشروع الخامس مكينة تفقيس البيض :)

نحن نشتغل فيه بأنفسنا وبادين فيه ولله الحمد ونسبة التفقيس حلوه المهم تختارين المكان اللي تشترين منه البيض ويكون التلقيح تمام التمام .. وما يبيلها شي ووقت التفقيس لازم تخلين الصوص داخل الفقاسه بدون أكل وماء لمدة معينه .. اذا تبين تفاصيل مستعده أساعد ..

وبالنسبه للفقاسات في فقاسات اوتوماتيك بس تدرين نحن نصنع الفقاسات بنفسنا .. أحسن من الاتوماتيك اللي يبيعونها وأرخص :)

وبالتوفيق

ام طلحه ممكن تحطين صورة عن ماكينة التفقيس

او طريقه عملها اذا ممكن.

والاسعار

اختى ام طلحة كيف يعنى تصنعوها بايديكم

كلام الحب انا ما صورتها والمكاين موجوده بالمزرعه اذا تبين بشاور ريلي يوديني هناك وأصورها لكم اما الشرح صعب اشرح لكم لأننا نركب كل شي فيها من بدايتها لنهايتها.. حتى الكهربا والبرمجه ..
_______

أختي الترف نصنعها بايدينا يعني ما نشتري الجاهز نحن نسويها من راسها لساسها مثل ما قلت للأخت فوق ..

بنات صنع مكائن التفقيس يبيله تجارب وتصدقون نحن تمينا فتره طويله نجرب ونسوي ونظيف ونحط وحرقنا كليبات شكثر وحتى فرش البيت احترق من كثر التجارب :) لأننا بالبدايه كنا نجرب نركبها انا وريلي وبفضل الله سبحانه تعالى عرفنا نركبها الحمدلله ..

وبشاور ريلي عن تصوير المكائن ..

وحياكم الله اي استفسار عن البيض والتفقيس والدجاج والبط والسمان والرومي ترانا حاضرين نجاوبكم :)