محتــــــــــــــــــــــــــــــــــــــــارة جدا ... ورأيكم يهمني كثيرا............

سلاااااااااااااااااااااام يا حلوات :27:
أنا أكتب لكم دحين وأنا محتارة جدا جدا جدا جدا جدا جدا جدا وما أني قادرة أنام .... :( :( :(
ومحتاجة آرائكم النيــــــــــــــــــــــرة فلا تسيبوني رجــــــــــــــــــــــــــــــــــــــــــــــــــــاء :(

فاكرين لما قلت لكم إني في بداية مشروع خطوبة ؟
أهلي سألوا عن العريس وطلع كويس.... لحد هنا تمام

مع إنو موضوع الزواج بكامله مش راضي يخش دماغي .... لكن أنا لسه في مرحلة التفكير.... لكن بعد الاستخارة قلت رايي لأهلي (وأنا والله خايفة من هادا الموضوع جدا جدا جدا جدا جدا جدا لكن أحاول أضغط على نفسي وأقول لها بلاش عباطة كل الناس تتزوج يعني إنت مو أول ولا آخر وحدة حتتزوج)

اللي حصل>>>>>> إن أم العريس مستعجلة مررررررررررررررة على الملكة مع إنو ما راح يكون الزواج إلا بعد سنة أو سنة ونص تقريبا
تسألوني ليه؟ تحبوا تعرفوا ؟
لأنو حضرة العريس في آخر سنة دحين ....... وأنا كمان لسه باقي عليا آخر سنة في الجامعة
لكن أمه حريصة على الملكة تبغى تأمن مستقبل ابنها - زي ما تقول- وتقول خايفة أموت وأنا ما خطبت له ، وحتى يتعرف العريسين على بعضهم أكتر..


أنا حاسة إنكم تقولوا ..... طيب وفين المشكلة اللي محيرتك؟؟؟؟؟


أقولكم إيش هي : المشكلة إن أهلي اختلفوا بيناتهم : بعضهم يقول : وليه العجلة على الملكة مادام لسه معانا وقت طويــــــــــــــــــــــل؟
وبعضهم يقول: لا عجلة ولا حاجة ويوافق أم العريس في رأيها.
وبعضهم يقول لي : أحسن تستعجلي بالملكة حتى تضمني العريس ما يطير من بين إيديك ..... ودحين فين وفين تلاقي عريس؟؟
وبعضهم يقول لي : لا العجلة في الملكة مو كويسة لأن المدة ما بين الزواج والملكة طويـــــــــــــلة و بكدا تملوا من بعضكم ؟ أو تتخيلوا حاجة طول هادي المدة وبعدين لما يحصل الزواج تنصدموا بالواقع وتنفصلوا –لا قدر الله-
وبعضهم يقول لي : إذا هما متمسكين بالملكة أرفضيه وربك يعوضك أحسن منه ويجيب لك سيد سيده، وإنت لسه صغيرة ويا ما من يتمناك.
ونقاشهم هادا كله معاي أنا ولسه ماردوا على أم العريس...
وفي النهاية ..... قالوا لي : إحنا قلنا راينا والراي راجع لك إنت فإيش تقرري؟؟؟
طلبت منهم مهلة أفكر في الموضوع ........... وحسيت إني حيـــــــــــــــــــــــــــــــــــــــــــــــــــــــــــــــــــرانة ومو عارفة راي مين الصح ؟؟؟؟؟

فقلت ليش ما أسأل حبابيبي في المنتدى (لأني شايفة التعاون والأخوة الرهيبة فيكم والله)
إيش رايكم في الموضوع ؟
هل طول مدة الملكة يؤثر على الزواج في المستقبل؟
كمان في حاجة أنا ما أني متصورة إني ممكن أتصل بيه بأي وسيلة اتصال خلال هادي المدة لأني خجووووووووووووووووووووووووووووووووووووووووووووووووووووووووووووووولة


بالله يا أخواتي ...... أرجوكم تجاوبوني بكل أمانة –زي ما أتعودت أقرأ في هذا المنتدى- وتقولوا لي رايكم ... وياريت اللي تجاوبني تحط نفسها في مكاني!!!!

أستنى ردودكم.. الله يخليكم لا تسيبوني.... :icon33: :icon33: :icon33: :icon33: :icon33: :icon33: