محد حاس فيني بموووووت

لو جربتي مرارة الغربة ..لما طلبتي ذلك

ذقنا مرارة الغربة واحنا مع ازواجنا واولادنا فما بالك لوحدك


اذكري الله وفية شئ مهم وفية اهم

وزوجك وعيالك اهم تعوذي من ابليس ولا تحرمين نفسك هم ونكد كبير

والي يبي يدرس يدرس في اي مكان

اتمني اني افدتك :26: ولا زعلتك وتكلمت من حرقة في قلبي

من قال اني بروح بروحي ........ انا ابغي اروح مع زوجي وعيالي


وليش اختي تقولين الغربه مره مع اني احس انها مثلها مثل بلادنا

هلا رماية

والله اني داريه الموضوع بيكون عن السفر أكيد لأني ملاحظة انك تحبي السفر ماشاء الله...امممم شوفي يا رمرومة

لو انكم لوحدكم أقول ها يمكن زوجك يغير رأيه بس معاكي عيال...يعني ماتسوى السالفة تنقلي وتغيري استقرار حياتك عشان لغة...أدري اللغة مهمة..بس ممكن تطقنيها وانتي في بيتك...والمحلات عندنا أغلبها عمالة أجنبية يعني تطبيق اللغة موجود..والممرضات وبعض الدكاترة...أنا أقرا روايات كثير أجنبية وهي اللي مساعدتني أحافظ على اللغة..هذا غير الأفلام..

ممكن تتصوري انه السفر وناسة وتغيير جو وأسواق وطلعات بس هذا كله يكون في أول اسبوع بعد كذه تحسي كل هذا أكبر ملل شفتيه في حياتك....أنا عندي أروح سوق فالرياض مع صحباتي أونس مليون مرة من السوق هنا...

ماشاء الله على حسب كلامك فالمواضيع انتي تسافري فالصيف...يعني سافري واطلعي غيري جو..لكن لاتحطي في بالك فكرة السفر لمدة طويلة

أولا تدوري على سكن..وأجار..وسيارة..وتأمين سيارة..وضرايب _مدري عن وضع المعيشة في أمريكا أنا أتكلم عن اللي هنا)..وبتدوري معهد كويس..صدقيني يمكن تحسي انه الناس وكل شي بيغيروا لغتك بس الوضع انك بتدرسي وترجعي البيت..

وبيجيكي رمضان والأعياد...غير الزواجات اللي بتمر وانتي فالغربة وبتحسي نفسك لوحدك وودك ماتسرعت فالقرار..وأولادك كيف بيدرسوا طوال هالفترة؟

يمكن من كلام البنات هنا فالمنتدى والمحلات اللي يحوها حسيتي بنشوة السفر ونفسك تكوني جزء من هذا كله

هدي نفسك وحاولي تسافري وتغيري جو أكيد نفسيتك بتهدا بعدها :26:

مشكوره اختي بشاير

بصراحه انتي حطيتي ايدك على الجرح بصراحه :06:

من كثر كلامك عن الاسواق شوقتوني وبصراحه انا عكس هلي يتمللون في السفر لو تموا اكثر من شهر لكن انا ماودي ارد

طريقة حياتهم وجوهم عاجبني واييييييييييييييييييد

ياسلام لو طلعتي الصبح في هالجو وكلتي قطعة كرواسون ساخنه عليها الجبن مع شوية زبده ومربى مع الهوت شوكليت يالله شعور ما انساه

وتمشيتي في هالجو وقعدتي تلفين المحلات

تصدقين والله العظيم انا فكره دوم تراودني اني اهاجر واعيش في دولة بارده

وبعدين اختي بشاير انا عندي 2 صغار ماعدوا 3 سنوات اي مادارس كلها سنه

ولو على العيد انا بطبيعتي ماحبه اعيد والاعراس اكرها لانها تعور راسي وزواج اقرب الناس بالغصب اروحه

اي صح نسيت نقطه مهمه زوجي اصلا خاطره يكمل الماجستير وقلت له فرصه بس هو متردد يخاف انه مايقدر على

تكاليف الحياة هناك

مابعرف شو قلك ... انت ادري بظروفك و بطبيعتك
بس بما انك سافرتي الى اكثر من بلد فاكيد عندك فكره عن الحياه
بس حاولي لاتسرحي كثير باحلامك....يعني مش معقوله سنه كامله تقعدين بس تلفين باسواق و محلات
لازم تدرسي او تشتغلي ادري انك الحمد الله غير محتاجه بس مش كل واحد يشتغل يعني محتاج
يعني سنه من حياتك بتقضيها بس مشاوير؟

انا الي اشوفه انك مش خسرانه شئ و مثل ماقلتي مافي مدارس...يعني لو لم يعجبك الجو ممكن ترجعين باي وقت..صح؟
وبالنسبه للمصاريف فهي مثل كل الناس...
في ناس مرتبهم 40 000 كندي بالسنه و عايشين و مرتاحين يعني مش محتاجه مبلغ ضخم
و اكيد زوجك سوف يشتغل هون...صح؟