محد حاس فيني لكن ربي معي وبيكفيني فيهم

من زمان ودي احكي لاحد يحس فيني ويحس بشعوري وهمي ووضعي الي انا فيه
احيان تحسين نفسك في مواقف صعبه ومحد حاس فيك
كلن لاهي بحياته وناسه ومحد يم احد
انا اللحين ي بنات ب التاسع واختبارات ودراسه وولد وبيت لكن يعلم الله محد حاس فيني لازوج ولا اهل ولاقرابه
فوق ذا ابوي علاقته موتمام مع زوجي لكن معي يعني ماشي حاله
ابوي قاسي وقد كتبت عنه موضوع باختصار هو من النوع الي حتى لو انه معي ماشي حاله لكن يعايرني يتشمت فيني احيان يحط بيني وبينه حدود لااتصال لازياره لا كلمه حلوه دايم يردها بوجهي ..
اهل زوجي من دروا بحملي هذا يعلم الله محد فرح لي ودايم يدقون ب الكلام انه ماراح نمسك لك طفلك ذا كفايه الاول ويلمحون حتى لنفاسي يقولون وين اهلك وامك ووين بتروحين ولاعرفت اجاوب اقول من هنا ليومها بشوف وين اروح ..
زوجي معبينه علي حسبي الله عليهم وبس وربي لي شهرين اطلبه عمره ولاطلعه ولا اي مكان يرفض طلبي وانا ابي اغير جو مع ضغط الاختبارات والحمل لكن مامن فايده لحد ماكتشفت ان امه ورا الموضوع ويجي ذاك اليوم الي بنسافر فيه ويقول لي انتبهي تعلمين امي او ولدك يمر عليها ويقول لها وربي كأننا حرامييين
اليوم الثاني درت وماجا نهايه الاسبوع الا هي ماخذته من صباح وانا نايمه مادريت انه خرج وطلعوا مسافرين ولا احد قالي واعاتبه اقول ليش مااخذتني يقول انتي خلاص رحتي ومن هالكلام..
واليوم قدام عيني اخته وزوجه اخوه متفقين يقولون نبي نروح جمعه ونسافر وراح نسحب عليك ويضحكون بوجهي وتقوم وحده منهم تقول اي انتي نفاس وخليك بناخذ ولدك احمدي ربك نخفف عنك وناخذه .
قصدهم يبوني اروح لاهلي وقت نفاسي ويسفرهم زوجي وياخذون ولدي معاهم.
والله ان قلبي تقطع وانقهرت مليون مره ع نفسي اول شي زوجي يقول والله ماوقف معاك ولا اخدمك ولا اكون بجنبك بسافر ولاتقعدين حتى ببيتي روحي لاهلك وولدي خليه عندي حتى عنده ايام اجازات كثير يمكن ثلاث شهور اقول بس خذ اسبوعين خلك معي بىالبيت لما اخف وروح مكان ماتبي يقول لا وانسي والله ماخدمك حزت بخاطري ليه يوم الي يطيحون نضحي ب انفسنا عشانهم وهم لا ..ثاني شي اهله وتلميحاتهم لي انهم ماراح يمسكون النونو الجاي ان شاء الله لاني بكون ادرس ولا راح يساعدوني بنفاسي ويقولون روحي لاهلك.
ثالث شي اهلي ابوي مضيق عليهم ومستقوي اخاف مايخليني اجيهم ب البيت وقت نفاسي او ماراح يخلي امي تجيني وتزورني او انه يستقبلني لكن بيضيق خلقي بكلامه ومشاكله ونفسيتي زفت وربي ماقدر اوصف لكم كيف كان ابوي وتعامله معي وانا بنفاسي الاول كان حتى كلام العيال حق الشوارع يقوله لي
وامي حياتي مابيدها حل خايفه من ابوي ومرات تحاول تستقوي قدامي وتقول تعالي ماعليك فيه ولا استاجري بجنبنا شهر وامرك كل شوي ..

صاكه الدنيا فيني حبيباتي ماعرف وين اروح ولا ادري مين بيقوم فيني خصوصا اخاف اولد عمليه لكن الله ييسرها طبيعي دعواتكم لي تكفون ب النجاح واولد طبيعي ومانحد ع احد
طاب خاطري من كل الي حوللي جالسه اقول بقعد ببيتي وعساهم كلهم تخلو عني ماعلي في احد بقوم في نفسي لو حببي..واذا عندكم حلول شيروا علي لاهنتو

مايقهرك الا انك انسانه طيبه مع الكل وراعيه واجب وع نياتك وتلاقين ناس من وراك ماتتمنى لك الخير وينكدون ويتدخلون بحياتك تقول انك ماكله حلال ابوهم ويستغلون كل وضع تكونين فيه .

ربي يكفيني شرهم ويحنن قلب زوجي وابوي علي ويسخر لي من عباده الطيبين..