محد معبرني لا اهل ولا زوج ضايعة في هالدنيا

السلام عليكم ورحمة الله وبركاته اخواتي في الله بفضفض لكم عن حياتي انا متزوجة وساكنة فوق اهله بشقة لوحدي بس المدخل البيت واحد من اول ماسكنت عندهم يعرفون كل مشاكلنا اللي تصير حياتي كتاب مفتوح لهم وغير كذا زوجي كان يدخلهم بمشاكلنا وبعد سنين مليت من تدخلهم كل ماتصير مشكله طلعوا عندنا وبيوم قلت له قدامهم كل من هب ودب صار يعرف بمشاكلنا وبعدها زعلوا وماشفتهم تدخلوا مهما يصير بينا وهذا اللي ابيه زوجي صار يتهرب مني مع اني احاول اسعده وماقصر عليه بشيء بس مايبين بعينه طول وقته معي ساكت وينزل لامه وخواته يسولف معهم وانا مايفكر فيني ولابغيت اطلع يقولي انتظرك بالسيارة اطلع ماحصله جالس عندهم وانا جالسة بالحر انتظرة برا وهو يسولف ومايطلع الا بعد مارسل له واتصل عليه ولا بغينا نتمشى تصدقون يروح يسولف مع اي شخص يصادفه ويعرفه وانا جالسه لحالي كأني شغاله مو زوجته ولا جلس معي ساكت وعلى الواتس لهدرجة كارهني مع اني عارفة نفسي مافيني شيء غلط بس ليش هالتجاهل لي انا وبس انا تعبت ومليت من هالعيشة وغير كذا يرفع صوته علي قدام الناس ويلفت الانظار علينا هو شايف مو ماوراي احد يوقفه عند حده اهلي مامنهم فائدة ابوي ميت اخوي فاشل لما اشتكي له يقولي مدري حلي مشاكلك بنفسك امي بعالم ثاني كل هالدنيا ضدي انا عندي بنتين ومزعجني يبي ولد ولا بتزوج غيرك تجيب لي اولاد يوم تأخرت الدورة وسويت تحليل طلع مافي حمل قلب علي وقام يسب ويهاوش انا مقهورة صرت اكرهه واعيش بفراغ طول يومي سجلت هالسنة بكمل دراستي بشغل وقتي وهو يبي يشغلني اتعالج علشان اجيب له ولد وهو مايستاهل يكون اب ولا زوج ومن يجي يروح بغرفة ثانية ينام لحاله ولا كأني زوجته قلت له انا كرهت العيشة معك ابي الطلاق قال روحي المحكمة القهر اهلي مايدرون عني وين اروح وش اسوي بعمري مافي احترام طولة لسانه يسمعونه اللي جنبنا ويقول اهلك مادروا عنك خليك مع بناتك احسن مومعبرني ابد يابنات ادعولي فيني ضيقة مايعلم فيها الا ربي كارهه عمري مااحط راسي على المخدة بنام الا اتذكر عيشتي وابكي صرت اتمنى الموت اتمنى اي شيء يصير لي علشان ارتاح من هالدنيا مشاكل طول العمر حسبي الله ونعم الوكيل