محد مهتم

السلام عليكم
شخباركم
حابه افضفض لكم عن الي فيني لاني حرفيا ماني قادره اتحمل ولا احد فاهمني وطقيت اكثر من ذا الحجر
ذي الفتره علاقتي مع اهلي زفت بزفت محد يبي يسمعني ولا احد حاس فيني وكل ما حاولت افضفض لامي تقلبها طقطقه وضحك عبالها صغيره ماعندي ضغوط نفسيه ...ودايم تقارني بناس ثانيه من دول ثانيه ويوم اقولها قارنني بالمجتمع الي انا عايشه فيه ما تبي تسمع تبي كلامها دايم صحيح وقبل فتره منجد طقت معي وجلست اعدد لها 1% من الاشياء الي مضايقتني ومنها وفاه اعز صديقه لي وكيف انها حتى خففت عني ولاشي ورحت المدرسه وانا منهاره وبس ابكي بالمدرسه ويوم انه المعلمات جلسوا يسالوني ليه تبكين وكذا زاد صياحي لنه كيف المعلمات الي ما بيننا غير دراسه يخففون عني وامي لا ...وانها تبيني دايم اخذ 100 بالمدرسه وهي اصلا مو طاقه خبر لي ولا مهتمه فني ..صراحه م الومها لانها كانت مشغوله باخواني بس م يصير انها تتركني كذا بدون متابعه ولاشي ولا حتى تجي مدرستي تسال عني ولاشي ...ننتقل لابوي ,ابوي ذي الفتره يعاملني معامله سيئه حرفيا ولا يبي يسمعني واذا بس تكلمت حرف وادافع عن نفسي يا انه يسبني او يضربني و حتى م انسى كلمه قالها (الله ياخذج ويرحيني منج) وذا عشان بس قلت لامي ان اخواني خربوا المطبخ وانه لازم ينظفون وراهم... وكمان من اول ينسحب جوالي بس من بدايه الاجازه صار عنده نظام اسحب الجوالات متى م ابي لو حتى ضاع جهاز التلفزيون يسحب الجوالات وبعد اذا ما سلمانها بدري بنفسنا ننحرم منها وانتم تعرفون اجازه وحجر ومافي اي العاب او اشياء او فعاليات نسويها بالبيت وذا اكثر شي قاهرني ... وبس والله فيني كلام كثير ودي اكتبه بس م فيني