درس رائع

جزاك الله خيراً

وجعلها في ميزان حسناتك

صباح الخير لكل الحوائيات المشاركات وأعاننا الله وسدد خطانا
اللهم أجعل مانتعلمه عونآ لنا وحجة لنا لاعلينا....آمين
وشكر الله لك اختي طيوف وجعل الله تعبك معنا تفريج لهمومك
واسفه لاني استفسر للمره الثانيه
فزوجي دائمآ صامت وتأتي عليه بعض الحالات يدخل في حاله عجيبه
فيكون صامت وبقوه ولا يتحمل اي احد يحدثه حتى اطفاله يضيق منهم وفي نفس الوقت يكون فاتح الاب توب ويفرفر فيه ويلعب
(وهو يحب الالعاب الي في النت ويكون كل وقته عليها
كمان الاحظه كتوم جدآ من ناحية راتبه مثلا أو المصروف ومايخبرني بأي شيئ ,يعني انا معه وعايشه معه ولا أدري عن اي شيئ
كمان هو كثير الطلعات ولما اطلب منه اطلع انا واياه يرفض ويقول لاتطلبين مني الطلعه قبل شهر مع انه بأمكاني اطلع انا واياه من دون الاطفال ولما أسأله اقول أنت ماتنبسط اذا طلعنا مع بعض يقول الا,,,, ما أعرف وش السبب مع اني انسانه بيتوتيه درجه اولى مايسمح أطلع مع صديقاتي او اي احد .كذلك هو عصبي جدآ واذا عصب يتلفظ بألفاظ جارحه جدآ ولما ازعل والله يسبقني بالزعل وكأني انا الغلطانه فياليت عزيزتي تنورين لي طريقي وتوضحين لي أموري .....شاكره ومقدره لكي

الله يعطيك الف الف عاااافيه على معلوماتك القيمه و التي اثرتني بمعنى الكلمه و الصراحه دوره مفيييييده وممتعه و الحمد لله ان ربي اهداني و كتب لي اني اشترك فها الدوره الراقيه بكلماتها و معانيها الهادهفه اسال الله تعالى ان يجعلها في موازين حسناتك
قرأت الدرس الثالث و بتمعععععن شديد . . ذكرتي اشياء الصراحه جيتي في الصميم واستفدت من معلومات كثيره بس الصراحه
أنا اعاني من مشكلة اختلاف اسلوب الحياة بيني و بين زوجي زوجي الصراحه يحب يعيش حياته بكل بساطه و فوضى تجنني احيانا . . ملول يعشق التغيير متقلب المزاج احيانا يميل للصمت الفضيييييع طبعا انا في لحظة الصمت اسحب نفسي بكل هدؤؤؤؤء عنه وما احاول ان ازعجه الا بالشيء الضروري كا طلبات البيت و مستلزمات الاولاد يعني حديثنا واقعي و جدي بحت لأني لو ازعجته ممكن الاقي كلامه تجرحني و أنا بطبيعتي حساسه جدا .
و أحيانا يميل للثرثره و المزح و الضحك مستحييييل يناديني وقتها بأسمي أذا ناداني بدلع أعرف ان حالة الجديه عنده انتهت نبدأ حياة الوناسه والضحك و المزح بصراحه صرت احاول اقلب نفسي على مزاجه بس الشي هذا ارهقني كثيييير لان الوقت اللي احتاجه فيه اكون عارفه نفسي اني راح اتكلم معاه ما راح اخذ لا حق و لا باطل فافضل اني اثرثر لأخواتي و اترك الحديث معه اذا راق مزاجه بصراحه احب الحديث معه وهو رايق لانه يعطيني حقي في الحديث و في الوناسه وفي الاستماع بالشكل اللي يريحيني كثييير .
واكثر شي اكره في زوجي ان الرجل الجنوبي بمعنى الكلمه يعني قبل ما ينام يعطيني احداث يومه بالتفصيل الممل دون الاكتراث نفسيتي متضايقه طفشانه نعسانه تعبانه . . كأن عليه حلف ما انام الين ما اعطيك اخباري هههههههههه على اني ما طلبتها اتمنى امنيه يقول اليوم ماراح احكي لك عن يومي احكي لي كيف كان يومك ناااااادرا جدا واكره شي فيه لما يحكي لي عن ذكرياته في المدرسه مع الاهل ..في المعهد ..اول ما توضف.. يكرررررررها من وقت لاخر طبعا انا ملزومه اسمعه و احيانا اسوي نفسي كأني توني سمعت السالفه وادخل نفسي جو معاه واحياننا احاول اغير موضوع الحديث بس اكمل اكمل ما في مفر (( وقتها نفسي اقوله يرحم امك والله حفضت )) بس ما ابغى اكسر بخاطره او يكون عندي سالفه انتضر انه ينتهي علشان يعطيني حقي كامل في السواليف فيها.
مشكلتي اني روتينيه اعشق النظااااام جاده احياننا و احسه يتضايق من ذا الشي أحياننا اميل لقلة الكلام لدرجة انه دايما يقول عني غامضه ما ادري ليش. بس لما نجلس احياننا جلسة مصارحه و طبعا هذا اتفاق بيننا بعد كل فتره نسهر سهرة مصارحه من غير زعل و بالصراحه هذي الطريقه قربتنا لبعض كثييير . . أقول له أحياننا احس أنك تتضايقك من جديتي يقول أبدا يعجبني فيك انك قياديه احسن مني و ذا الشي مريحني كثير على اني اشوف عكس ذلك ما ادري ليش الحلو فيه انه في عز ضيقتي من غير ما اتكلم يسألني و يناقشني واذا في مشكله عندي ياخذ و يعطي معايه الين ما أقتنع بالحل أو حتى الين ارتاح و فضفضت اللي في صدري .
طريقتي معاه وقت ما ابغا انصحه او اذا شفت فيه شي يضايقني اجلس عنده و اطلب منه بهذي الصيغه (( وقت ما تكون فاضي و عندك استعداد تسمعني أنا موجوده )) طبعا وقتها ولا رد صمممممممت بس اتفاجئ بعد مرور وقت احيانا طويل بالأيام و احياننا سويعات يجي و يقول تكلمي انا اسمعك صراحه هذي الطريقه نمت اسلوب النقاش بيننا كثييير وخلت كل منا يستمع و يفكر بالثاني أش رايك بطريقتي هذي أتمنى اني اسمع رايك باساليبي وكيف اتعامل معه وهل طرقي صحيحه و الا لا . الله يسعدك وما استغنى عن نصايحك .