اصدق احساس الامومة
عظم الله اجرك واحسن الله عزاك
ورحم جدتك واسكنها فسيح جنانه

يسعد صباحك إستاذة طيف جزاك الله خير على سعة صدرك وطولة بالك..

مشاركتي متأخرة بس إن شاء الله يمديني أكمل معكم...

طلعت أنا وزوجي جنوبي شرقي بس قريت لك كذا رد وتلخبطت ...

زوجي طيب وحنون وكريم وصبور وكتوم وكسوووول يحب النوم الكثير ما يحب الطلعات والخرجات بيتوتي بدرجة أولى

خفيف دم وإجتماعي بس ما عنده أصحاب يطلع يروح معهم بس زملا عمل ما يزعل بسرعة بس بصعوبة يرضى

قليل الكلام بس أحيانآ إذا تكلم ما يسكت ما يخبي عني شي إذا عنده مشكلة يقولي التفاصيل لو عن أهله

ما عليه من أحد يعني ما يشغل نفسه بفلان وفلان واللي يعجبه يسويه ما يهمه رأي الناس فيه المهم هو وش يحب

حساااااس منظم في عمله بدرجة أولى ومو فوضوي حتى لمن أسافر أرجع وألقى البيت زي ما خرجت منه

يحب النظافة ويحافظ على أغراضه محتفظ بأشياء تخصه من سنين...يحب الجودة لو كان غالي..

كثييييييييير الوعود بس ما يوفي باجيب لك وباسوي وباقول كنت أفكر إنه يكذب علي بس بعدين عرفت إنه طبعه

بس ما يبخل علي بعبارات الحب دائمآ يرددها علي رومنسي بس ما يحب الحفلات الخاصة

يحب الروتين ولا يغيره ... متسامح إلا الإساءة القوية ما ينساها ودائمآ يذكرها

عسى ما كثرت...؟؟؟

صفاتي طيبة صبورة قنوعة بالي طويل أحيانآ أقدر أتحكم في أعصابي وأحيانآ تلقيني أثور فجأة ما أتعرف بسهولة علاقاتي ممتازة باللي أحبهم

اللي لي موقف معهم أكون رسمية جدآ حتى لو فيه قرابه أو معرفة أجامل كثير على حساب نفسي بس إذا كان لي موقف مع أحد ما أجامله

أعشق التنظيم والتنظيف والكل يشهد بهالشي بس فوضوية لمن أكون بلحالي( وهذي معاناتي) يعني إذا بيجيني ضيوف البيت زي الوردة بس بلحالي كل شي مؤجل

بطيئة في عملي ولا أحب الزيارة المفاجئة لإني دقيقة فشغلي

ملولة أقرا كتاب امل بسرعة مترددة في إتخاذ قراراتي لازم أستشير كثير ويمكن أندم

ما أحب الخرجات والطلعات المدينة اللي أنا فيها ما أعرف أحد قابلت أكثر من وحدة وما عجبوني فما كلفت ع نفسي أتعرف مرة ثانية
وإذا طلعت ما أحس إني غيرت شي في نفسي إلا إذا كنت مع أهلي

ما أعرف شخصيتي كثير يعني أحس إن جواتي طاقة أو هدف بس ما عرفت أطلعها

أحب الأشياء الغالية والجودة ممكن أشتري شي غالي بس يدوم معي سنين

أتمنى إني ما طولت عليك ومللتك...

شماليه شرقيه

شرقي جنوبي

شتااااااااان بين اللي اخترناه واللي انت حددتيه
احترت صراحة!!! أنا كان أغلب اللي اخترته أكثرشي من الجدول الجنوبي , وأنت قلت اني شمالية كييييييييييف؟؟؟
وزوجي كذلك كان اختياره من الغربي اكثر من الشرقي.

ما شاء الله عليكي زادك الله علماً ونفع بك
و
بارك الله فيكي اختي طيوف الحزن وربي يجعل ايامك كلها افراح
وجزاك الله كل خير على الموضوع والدروس الرائعة
قرأت كثير عن أنماط الشخصية ولكن دورتك ودوروسك اجمل واستفدت منها فجزاك الله الخير
ولكن عندي طلب كنتي قد نوهتي عنه وهو الشمالي المتطرف وانك ستتطرقي له في دورة منفصلة
فأرجوكي تستعجلي لأن زوجي شمالي متطرف وفيه نفس الصفات التي ذكرتيها بالشمالي المتطرف
كيف اتعامل معه؟؟ وكيف وكيف وكيف .. جنني هالشمالي المتطرف .... انتظرك على جمر
لعل وعسى ربي يهديه واقدر على تطرفه

وينك يا أستاذه طيوف والله اشتقتالك واشتقنا لدروسك وردودك علينا الله يعطيك الصحه والعافيه