سؤالي هذه المره سيكون مختلفا اريد من كل وحده منكن ان تطلع على حسنات زوجها التي ظنت انها سئيه وتكتب كيف كان تصرفها سابقا وماذا سيكون عليه فعلها بعد ان فهمت من هذا الدرس..؟؟؟
زوجي باااارد جدا ومعاملته لي ببرود يعني مايهتم اي شي اقوله له مايعطي الامور اهميه احاول اطلع الكلام منه بصعوبه زوجي شمالي شرقي وانا جنوبي شرقي يعني متوافقين بعض الامور

كثير الصمت اذا عرف سالفه مني او عن اهلي لازم تتكلمين وبتفاصيل ممله اغير الكلام ويرجع ثاني مره يتكلم فيه لو ماتكلمت زعل


لما يتكلم هو او يشوف شي يضايقه يقعد ينصح لين امل وماينسى ولو غلطت تصير بذاكرته ويعرف متى يقولها


زوجي صعب مره يحب ينتقد كثير ومدحه قليل وكلمات الرومنسيه و الحب مع انه رومنسي ويحب الرومنسيه قليل اسمعها منه يمكن لانه اذا قالها يحس انه ضعيف وهذا اللي عرفته من الدرس وثقيل شوي يعني لو الرسله رسالة حب بطلعت الروح يرد عليها بس فيه هدوووء انا حبيت هدوءه ومايحب الصراخ عدوه الصراخ ومايحب يكون ضعيف او تمدحين احد عنده يطلع فيه اغلاط لو ماهي فيه بس يحب يمدح ننفسه كثير وانه احسا واحد ومافي مثله وفيه كبرياء شوي ومع الدروس بديت افهم زوجي


مثلا الصراخ معاد الصارخ اتكلم بهدوء مع ان صوتي شوي عالي وماحب التكلم بشويش بس علشان خاطره احاول

واذا كان ساكت اول كنت الح عليه لين يتكلم الحين عرفت انه يكون مشغول بشي ويفكر فيه ويحب يجلس بمكان هاديء اتركه لين يتكلم هو ماازعجه وفيه شي انه يحب التكلم عن الناس وبتفاصيل ممله ويحب النظام والترتيب وانا مرتاحه لاني احب الترتيب وانظام

سؤالي لك يامعلمتي طيوف وشلون التعامل مع انتقادات زوجي الكثيره لانه تزعجني ودايم تسبب زعل بيني وبينه وانا حساسه جدا دمعتي بطرف عيني بس الرضي على طول وشلون اخليه بدال ماينتقد يمدح مع ان الشي هذا صعب

لم افهم كيف ادخل في الدورات

حضرت الدرس السابع ........
أسأل الله يدخلك الجنة بلا حساب ويوفقك لخيري الدنيا والآخرة
زوجي شمالي شرقي وأنا كذلك شمالية شرقية مع نزعة جنوبية تطفو على السطح أحياناُ تتمثل في إحتياجي للرومانسية والكلام الحلو والدلع من زوجي لكن لا حياة لمن تنادي كنت أظن إنه لا يحبني لمجرد إفتقادي للرومانسية في حياتي لكن تصرفاته ووقفته معي عندما أحتاجه تعلن عن حبه الكبير لي مع إنه أحياناً يعترف لي ويؤكد محبته لي ويقول إنه مايعرف ولا يقدر يعبر عن هذا الحب,,,,,,
كذلك عصبيته وقسوة لسانه عند الغضب كانت تؤثر في وكنت أزعل وأحياناً أرد وأحاول أبين وجهة نظري وأكبر الموضوع والنتيجة إنه إذا فرغ شحنة الغضب يرجع عادي ولا كأنه قال شئ وأنا أقعد زعلانه كم يوم وأنكد على نفسي وعليه كعقاب له على مانالني من ألم بسببه وهو ناسي الموضوع ويشوف إنه مايستاهل الزعل وإنه ماغلط علي وإني لازم أتقبل أي شئ وهذي طبيعته مراح يغيرها علشاني ...أما الآن بعد مافهمت طبعه صرت أجاول ضبط نفسي في مواجهة موجة الغضب وأحافظ على لساني لا ينفلت حتى تمر العاصفة بهدوء بعدها بفترة أتفاهم معه إذا كان الموضوع يستاهل وأمدح بعض صفاته اللي تعجبني وإذا كان تافه أطنش كأنه ماصار شئ وأحس إن مشاكلنا خفت عن أول بكثير لأني وصلت لحقيقة أن الحياة أقصر بكثير من إنا نضيعها في المشاكل ووحع الرأس ,,,
تعلمت الإنصات وضبط النفس والمدح ومشيت أموري مع هالشمالي لحد ما ولله الحمد وأشكرك مرة أخرى ودعواتك لي بالذرية الصالحة

سلام للمعلمه الغاليه والعزيزه انا اول وحده ارد على الدرس الثامن ؟؟؟ هذا من حضي بقرأه تمام وبرجع اجاوب على الأسئله واحاول الحقكم .........اكيد اشتقتولي(مصدقه عمرها)هههههههههههههه

مناقشات الدرس الثامن

سؤالي ماهي اكبر سلبياتك انتي التي تريدين تغيرها وكيف سوف تعلين ذالك ؟؟؟


الدرس الثامن على الرابط التالي
دورة خرائط واسرار لفهم الرجل ..... الدروس فقط يمنع الرد