درس حلو الله يعطيك العافيه والحمد لله ماينقصني منه شي
بس صادقه اذكر كانت معنا طالبة مرررررررررررررررررره عاديه واقل من عاديه
الحلو فيها عيونها رماديه والا ملامحها خلق الله حسن مافيها زود
وشعرها شوي مرررررررررره ومحترق من كثر ماتصبغه اشقر فاتح
كانو يقولون هذي ملكة جمال في جماعتها
وعيال جماعتها مرررررره هابين فيها ويمكن يتذابحون عشان ياخذونها
كنت اشوف البنت عاديه وعلى ايش طايرين فيها
لمى جلست معها وسمعت كلامها عرفت من وين صار لها هذا كله
اثاريه صار من كثر ثقتها بنفسها بس تمدح في عمرها
واي شي تلبسه تقول اخواتي داخو عليه وانقهرو اني شريته قبلهم
اي كحل يناسب عيوني
اي لبس يلوق على جسمي
كانت معجبه بنفسها مرررررررره وعكس على كل اللي حوالينها
وبعد كذا سمعت انها تزوجت امير؟؟؟؟؟؟؟؟؟!!!!!!!!!!!!!!!!!

كلام رائع كلام كبير ...يجب ان تعيه كل إمرأه ,,,أمتلك تقريبا جل هذه الثقه ...ولله الحمد والمنه ..

هلا بأستاذتنا طيف والله لك وحشة... دائما درسك يوافق الوكند إلي أكون موفاضية عندي ضيوف على طول في الوكند وطول أيام الأسبوع أدور للدروس ماألاقيها ونهاية الأسبوع أفتح إذا راحوا ضيوفي ألاقيه نزل من يوم أو يومين ....خسارة
حبيبتي تسلمي على الدرس الرائع كروعتك ...
أنا زمان لما كنت صغيرة وفي بداية أيام الثانوي كانت شخصيتي مرة ضعيفة مع أني كنت الأولى على الفصل والطالبة المثالية وكنت مطيعة جدا أسمع كلام معلماتي ولكن في يوم من الأيام كان عندنا معلمة فلسطينية الله يذكرها بالخير سألتنا عن رأينا في حاجة في الفصل فكل وحدة من البنات أعطتها رأيها وصياح لا ياأبلى إلا بعدين صكتتهم وقالت أبغى أسمع رأيك ياج... قلت إلي يبغوا البنات عادي ...
قالت وهي زعلانة إيش الي يبغوا البنات إنتي ماعندك شخصية ماعندك راي إيش مع القوم ياشقرا لازم يكون لك راي خاص ,,ومن بعدها عززت ثقتي في نفسي وكانت لي دافع لتطوير نفسي وتثقيفها إلى الآن وأن كل يوم أبحث عن ماهو جديد ويطور من مهاراتي فأجد نفسي في كل المجالات والحمد لله كل إلي حولي يحسودوني على الحاجة هذي وزوجي عمله برى منطقتنا ولا يأتي إلا كل أسبوعين وصار إذا طلبوه العيال حاجة يقول روحوا قولوا لأمكم الحمد لله ...
بس في نقطة أخيرة أنا لا أعتبر الممثلات الكافرات قدوة لي فقدوتي عائشة وفاطمة والخنساء والصحابيات الاتي سطر التاريخ أسمائهن أتمنى ماأحد يزعل هذا مجرد رأيي الشخصي.......
ولك ألف شكر معلمتنا الغالية...

ياحياتي انا انبسطت مررررره لما قريت اللي كتبتيه عساه هذا حالك كل يوم مو يوم
انا انبسطت لما اشوف الفرق الشاسع معكم احس اني اتشجع اكثر اني اعطي اكثر الله يسعدك زي ما اسعدتيني




ههههههههههههه عادي خذي راحتك وانا ايش يهمني غير انك تفهمي اللي ابغا اوصله مو شرط اذا بطريقتي ولا بطريقتك مع اني افضل طريقتك لانها الاقرب الى قلبك
اعجبني انو نثق في الاخرين وكمان عجبتني ثقتك بنفسك ومن كلامك انتي معتزه بجمالك اكثر شئ الله يحميك ويحرسك يارب





اهلين ياقمر انا بخير وبصحه وبسلامه دامكم بخير

شكرا على كلماتك الحلوه بس انتبهي ينقلب عليك الادمان ههههههههه
المهم انتي اكيد شرقيه لان صفة الدقه وعدم الاعتماد على الاخرين من اهم صفاتهم عشان كذا ياعمري لازم تقاومي والمقاومه مو بالتطنيش لان هذا بالعكس راح يزيد المشكله لان بطبعك موسوسه
ممكن اقدملك بعض الحلول او شئ لازم تعرفي انو يبغاله طولة بال
المهم اللي ذكرتيه بالنسبه لازلادك ابدا مو صحيح وغلط ياقلبي ليش ؟؟ لانهم راح يطلعون امعه في المجتمع لابد ان يقتادهم احد وهذا بحد ذاته هز للثقه في داخلهم ممكن ولدك يكون ذكي وممكن يكون حركي ويعرف يتحاور بس لما يجي الجد يصير مبلم ولا يعرف يسوي شئ حتى لو يعرف ايش الخطوات لانو محتاج احد يوريه وبعدها يجي يشرح له كمان ليش هو يسوي كذا يعني انتي قاعده دمرين اولادك
ياعمري انا ماقلت لاتساعدينهم ولا تجلسي عندهم وقت الاختارات او لما يحلوا الواجب لالالا ابدا انا راح اقول اذا فيه واجب اطلبي منه يجلس يحله وانتي روحي عنه وحددي له موعد تراجعون مع بعض وقتها راح يجيك وهو حال سواء خطأ او صح المهم انه فكر وشغل مخه وانتي قولي له عادي حتى لو غلط المهم انك تحل وبكذا اعطيتيه ثقه انه يعتمد على نفسه وبعد ماتنتهين من اعمال البيت تجلسون في موعدكم وتطلبين منه انه يوريكي الحل اذا كان صحيح الله الله بالمدح الزين واذا كان غلط ابدأي هنا اشرحي ليش غلط والافضل انك تسألين من فين جاء هذا وكيف صار هذا وتتحاورين معه وطولي بالك عليه واذا مره مو فاهم قولي خلاص انا حشرحها لك وانت ارجع حلها من ثاني واذا رجع يحلها من ثاني حسسيه انه هو حلها بنفسه بدون مساعدتك عشان ثقتهم ياقلبي في نفسهم ومع الوقت راح تتعودي انهم يعتمدون على نفسهم بس انتي حددي اوقات المذاكره واوقات ثانيه عشان تراجعي معاهم ووقت مايحلوا انتي ازلي من الغرفه واعطيهم وقت عشان يحسوا انهم لحالهم واذا جاء يسألك ماما انا ماعرفت هذي وطبعا هذا لما يكون الوقت المخصص لهم يعني مابعد جات ساعة اجتماعكم للملاحظه والمراجعه قولي حبيبي احنا اتفقنا انو نراجع الساعه الفلانيه انت روح حل وحاول انك تحلها حتى لوكانت غلط والشئ اللي انت مو فاهمه اشر عليه عشان افهمك مو تروحين وتمسكين الكتاب وهاتك ياحل لانو ممكن تعودهم هذه الطريقه على الكسل لانو ممكن هو عارف الجواب بس مايبغى يتعب نفسه دام فيه احد راح يحلها له
اما زوجك انتي اخرجي معه خرجه للسوق او السوبرماركت وهي تكون خرجه تأهيل ههههههههههه
يعني تعلمينه لما تطلبي شئ وين راح يلاقيه وكيف ممكن يجيبه وهو كبير يعني راح يستوعب وراح يحس انك تحبي انه يقدم لك الاشياء هو وانك تحبي تثقي فيه وطولي بالك عليه ولا تزعلي اذا ماجابلك شئ مثل ماطلبتي لان الرجال صدقيني حساسيين من هذه الناحيه

اتمنى اني افدنك بشكل بسيط




اوما عاد اميييييييييييييير هههههههههههههههههههههههههههههههههههههههه
انا اعرف انو الامراء مايتزوجون الا من بناتهم
المهم ماعلينا كل وحده تشوف زوجها امير
طريقتها صح ميه بالميه وياليت الكل يسوي مثلها يصيروا القرود غزلان ويتزوجوهم امراء ههههههههههه

بعدين فيه حاجه يمكن انتي البنت ماعجبتك مع انها حلوه لانو الاولاد مستحيل يتقاتلوا على وحده بس عندها ثقه بدون جمال لانه الثقه تحسيها لما تقابلي الشخص مو لما تشوفيه لمحه او تسمعي عنه




الله يسعدك ياعمري كلامك على عيني وعلى راسي وان شاء الله محد بيزعل وانا جاء في بالي اكتب وامثل بالصحابيات بس راح تكون الصوره ناقصه من جهة التمثيل ليش لاني انا ابغى مثال حي اولا ومعاصر ثانيا ويفتقد الى كل ماهو جميل في مقايسينا عشان كذا حطيت الممثلات السوداوات بالذات وماحطيت غيرهم من الجميلات
فالكل يعرف ان السيده عائشه جميله والخنساء شاعره مخضرمه فلديهن مايفخرن به ومايمدهن بالثقه ولو ضربت بهن المثال لتبادر الى الذهن انهم يمتلكن مالم نمتلك وانهم الصحابيات الجليلات امهات المؤمين ومن نحن حتى نصبح بنفس الدرجه وهذا اللي ماكنت ابغاه ابغا شئ يكون قدامنا واضح عشان نستفيد منه وبعدين ياعمري انا ماحبيت نبرة الحقد اللي في الكلامك كافرات نعلم انهن كافرات لكن الحق الحق هم تفوقوا علينا ونحن رجعنا بالركب الى الوراء ولن ننهض حتى نعترف بذالك
والاهم من ذالك العقل بالبشري عشان يصدق معلومه لازم يختبرها واحنا لو جينا سوينا مجلدات عن السيده عائشه رضي الله عنها ماراح نفقه الثقه اللي هي كانت فيها ممكن ننبهر وممكن نعجب لكن نطبق والعقل يرسخ مستحيل الا ماندر لكن صوره واحده او مشهد واحد لانسان امامنا في كل مقاييس النقص طبعا بمقايسسنا البشريه فلا احد افضل من احد كفيله بترسيخ هذا المعنى

الله يقطع ابليسك ياطيوف طلعتيني كذابه
ليش اكذب موب لازم احط امثله عشان يطلع درسك صح ميه ميه
بس فعلا هي قصه حقيقيه والبنت سبيعيه وكلنا نعرف ان آل سعود اكثر نسبهم من سبيع والبنت اللي اعرفها سبيعيه
اتقاتلو لان اهاليهم نقلو صوره حلوه عنها وحطوها في السماء