وهذي بعد أكله حطيت طريقتها من قبل وحبيت اعاده وضعها طبعا علشان الصور ..
محروق صبعه طبق كويتي قديم
باستخدام خبز التنور والخضار والدجاج المتبقي عندج بالثلاجه ..
ولا تؤاخذوني على الصور قبل ما اشتري الكاميرا ! كاميرا تلفون نوكيا القديم والله أيام !
لذلك يمكن الصوره ما تشجع ولكن صدقوني لذييذه ..
أكلتنا اليوم كويتيه صرفه وان شاء الله تعجبكم ..والف عافيه ..
المحروق صبعه ..سهل واقتصادي لانك تحطين فيه اي شي زايد عندك من الخبز او الدجاج ( وهذي من عندي لان المحروق صبعه ما يكون فيه دجاج ! ) وطبعا ا لخضار اللي متوفره عندك حطيها واذا نقص عندك شي من المكونات ممكن تستغنين عنه ..
ببدأبالمقادير /
3 خبزات تنور ( ايراني ) - 2 صدر دجاج مسحب او حسب الكميه اللي عندك من الدجاج الزائد من امس
1 بصله - 1 قرع صغير -
1 باذنجان - 1 بطاط -
1 فلفل اخضر بارد - 1 كوسه - 2 طماطم
2 فلفل اخضر حار - 1 علبه صغيره معجون طماط ( صلصه )
2 فص ثوم -قطعه زنجبيل طري -
عصير ليمونتين -نص شده كزبره خضراء
2 لومي ( ليمون اسود مجفف ) - 4 فلفل احمر مجفف (اللي على شكل كره ) -
ملح - فلفل - بهارات كويتيه مشكله أو كاري - كزبره - كمون
الطريقه :
1- يقطع الخبز , ويسحب الدجاج من العظم في حال استخدامه .
.ويدق الثوم والزنجبيل ناعما
, ويقطع البصل صغيرا ,
وتقطع باقي الخضار قطع متوسطه
وتفرم الكزبره الخضراء ...
ويخلط المعجون مع شوي ماء .
.ويسخن الماء حتى يضاف وهو ساخن ..
2- في قدر كبيره ..نضع البصل مع شويه زيت حتى يذبل
ثم نضع الثوم والزنجبيل ويقلب ثم الفلفل الحاروتقلب شويه ..ثم الملح والفلفل والبهارات ..
يتبع ..
ثم الطماطم المقطعه وتقلب ويغطى القدر ويترك حتى تلين الطماطم ...
4 - يضاف المعجون المخفف بالماء وشويه ماء ويترك على نار هادئه لدقايق مع ترك الغطاء ليكون القدر نص مفتوح ...
يضاف الدجاج المسجب + الكزبره الخضراء ..
5- نضع اللومي +الفلفل الاحمر +الماء المغلي ويترك 5 دقائق ليغلي مع تغطيه القدر ..
يتبع ..