محروق قلبي ساعدوني

السلام عليكم

كيف حالكم
مدري من وين ابدا انا قصتي قصه

قبل سنتين ملكت على انسان ماعرفه طبعا زواج تقليدي
وكان سيئ سيئ لدرجه انه يتفاخر قدامي ان كان عنده خويته ويوريني صورتها
وكل هاذا وقت الملكه الي مفروض تكون احلا فتره في حياة البنت
المهم عشت حالة صعبه خاصة انه رفض يطلقني وقال انه بيعلقني وبيتزوج ثانيه سنعه على قولته تسمع وتسكت وتنطم
:( طبعا بعد جهد جهيد وبعد ماابوي كلمه خلاص اتفقنا ارجعله المهر وكل شي واطلق وطلقني
وتعرفون كيف هالفتره كانت مره صعبه على كنت مره هشه وفقدت الثقه في نفنسي من كثر ماكان حتى الممثلات والمغنيات يمدحهم قدامي وعمره ماقال كلمه حلوه عني مع اني والله يابنات حلوه مملوحه وكلي انوثه بشهاده كل الي حولي مافيني عيب ولاحتى اسلوبي جلف بالعكس كنت احاول قد مااقدر اكون مره ذوق ومره رومنسيه واسلوب حلو
المهم بعدها ربي انعم علي بوضيفه في مستشفى
وكان هناك طالب طب معانا كان بينا شغل بس كان يتصل علي جوال بس فترة الدوام اقل من ثانيه بس اذا بغى شغله من قسمنا
وطبعا مره من المرات اتصل علي بعد الدوام وقال بكلمك في موظوع وعاد تعرفون الفضول تكلمت معاه وطلع يبي يسولف عادي قلتله انت وش تبي بالظبط ترا ماني حقت هالخرابيط اذا حاط هالشي في بالك
قال والله وانا عندي خوات وماني لعاب وبعرفك عليهم
المهم قال اني معجب فيك واني الحين في فترة دراسه طب واختبارت لازم انجح عشان افاتح اهلي بالموضوع
المهم جلسنا نكلم بعض فتره وتعلقت فيه حسيته هو الامل الوحيد بالحياة حسيت خلاص ****الله ربي بيعوضني
حبيته بجنون عاد مره جا وقالي كلمت امي بس مرره معييه مرره مو موافقه وتقول حنا الي بنختارلك
وقال ماعليك بكلم ابوي وبحاول فيه ونفس الشي استمر على هالحال فتره طويله وهو بس يأملني ****الله المره الجايه يوافق
المهم خلال هالفتره وحده من صديقاتي المقربات معي بالدوام انا اقولها كل شي طبعا سمعت عنه كلام مو زين وانه لعاب
وانه كان يعرف كذا بنت طبعا انا انصدمت وانهرت لدرجة انه لوني صار ازرق لاني اعتبرته كل شي روحي حبيبي اخوي ابوي كل شي املي بهالدنيا
رحت بحثت بنفسي طبعا بطريقتي وعرفت انه من جاد كان يعرفهم ويعرف غيري ويقول كلام الحب لي ولغيري
حسبي الله ونعم الوكيل
بس للأمانه واجهت كم بنت كانت تعرفه ومحد قالي انه واعدهم بالزواج ليش انا بالذات ليش يكسر قلبي ويحطم احلامي
المهم جا على بالي مره اني آخذ رقم بيتهم وادق على الاستعلامات واتصل على امه واقولها كل شي صار ومنها اعرف اذا كان من جد كلمهم ولا لا
وكلمت امه وقالتلي لا يابنتي والله ماجابلنا ابدا سيره
وعاد هاذي بعد صدمه جابتلي القولون العصبي طبعا بعدها قالت الام ماعليك و****الله انتي تكونين ام عياله وقالت خلاص بس اكلم الوالد طبعا بعد كم يوم رجعت دقت علي قالت والله يابنتي مدري وش اقولك بس الوالد مره معيي يزوجه الحين وهددني بالطلاق
المهم تركته فتره ورجع يدق وتعرفون حنيت وطبعا كنت زي المسحوره ماشوف عيوبه ومهما كان اصدقه
وقال خليها على اللله وانا بعدين بحاول اقنعهم طبعا سألته ليش كنت تخدعني وتقول انك تكلمهم قال والله اني ابيك بس كنت اقولك كذا عشان مابي اخسرك
المهم كملت معاه ورجعت صارت مشكله واكتشفت امه وهزئته وقالت اتركها ترضى احد يسوي بخواتك كذا خلاص مافي نصيب
وكلمتني وقالتلي اتركيه واذا رجع يدق عليك قوليلي المهم طبعا حاولت ماقدرت تعرفون كيد ادمان نفسي احس حياتي فارغه بدونه احسه هو دنيتي
واستمرينا تقريبا سنتين وشوي والحين توني قبل شهر اكتشفت صدمة عمري وغبائي ومشاعري السخيفه الي مضيعتني انه كان يكلم وحده غيري من 7 شهور ويقولها نفس كلام الحب الي كان يقولي اياه شفت رسايله لها بجواله وواجهته ونكر وكلمتها وقلتها الي صار وعرفت منها كل شي انه كان بينهم حب ويوم مافي مفر قال انها نزوه او الشيطان او قل عقل واني ندمان ومدري ايش وقال سامحيني
قلت ممكن اعفو واسامح لكن بشرط اشوفك شاريني وتجي تخطبي بلا تضيع وقت وقال والله مااقدر حاليا وخلاص قلتله الله معك
بس يابنات احس اني بموت من القهر محروق قلبي ماني عارفه وش اسوي حاسه اني هشه حاسه اني ضايعه كل يوم ابكي وادعي علي من حرقة قلبي ياربي مااتتصورون قد ايش كان يمثل انه صادق وانه ابن ناس وانه مستحيل يضر انسان وانه مايخدع احد وانه يخاف ربه
حاسه بالوحده ماعندي احد افضفضله ماعندي احد ينسيني ياربي يصبرني كم واحد جاني ورفضته عشانه ليش لانه احس ماراح احب واحد غيره كيف بببدا من جديد واالله اني اكتب وانا متقطعه من البكي كيف بقدر اعطي مشاعري لانسان ثاني حتى لو جا واحد وخطبني ماحس اني بتقبله ولا بحبه
كيف لو شفته فجأه بالداوم وش بيصير فيني قولولي كيف اقدر اطلع نفسي