اليوم يابنوتات جايبه لكم محشي البصل رووووووعه في الطعم شي يبيض الوجه وبيعجبكم اكيد يالله نبتدي
المقادير:
حبتين بصل اللي انتي تحبين ممكن بصل احمر او بصل ابيض انا عملت حبه كذا وحبه كذا و3 فصوص ثوم
1م ص كمون,1م ص كزبره ناشفه مطحونه,1م ص فلفل اسود,1م ص ملح,1 م ص من بودر الفلفل الاسود والليمون حاطه صورتها انا ,1مكعب ماجي,زيت زيتون نص كوب,دبس رمان تقريبآنص كوب او على حسب حموضية المحشي كيف تبغيها انتي,نص كوب رز مصري انا ماكان عندي قمت حطيت رز امريكي طلع طعم برضه
حبتين طماطم تقطيعينها مكعبات صغار ,عصير ليمونه وحده
هذا زيت الزيتون ودبس الرمان وبودرة الفلفل الاسود والليمون
بسم الله نبتدي الطريقه
اول شي نقص البصل بالسكين من طرف واحد الى الوسط بعدين تحطينها بقدر وتضيفين عليها المويه المغليه وتتركيها لمدة5 دقايق وممكن اقل يادوب تلين وتصير لينه شويه عشان تقدري تتفكين الحلقات عن بعضها
وهذي شكل كم حلقه فكيتها
في اثناء ماينسلق البص تكوني حضرتي انتي الحشوه وهي عباره عن:نص كوب رز مصري وبهارات(نص م ص كموون مطحون ونص م ص كزبره ناشفه,ملح وفلفل اسود وبودرة الليمون والفلفل والطماطم اللي قطعتيها مكعبات صغار وثوم ناعم وعصير ليمون و2 م ط دبس رمان وومكن اذا تحبين تضيفين كزبره خضرا وبقدونس و بصل أخضر كمان يطلع طعمها رووووووووووووعه
المهم تخلطيهم كلهم مع بعض صورة هذي الخطوه بس مادري وين صورتها بدورها وانزلها
وتحشي اوراق البصل وتلفينها وكذا لحد مايخلص المقدار
تقطعين بطاطس وطماطم وبصل حلقات وترصينها في القدر
وترصين فوقهم حبات البصل المحشيه بالترتيب وحاولي وانتي ترصينه تخلي الطرف الملفوف من تحت عشان لا ينفتح
التكمله في الرد الثانــــي
يتبــــــــــــع
الحين تجهزين السايل اللي بتحطيه على حبات البصل المحشيه واللي هو عباره عن:زيت زيتون ودبس رمان ومكعب ماجي وقليل من الصلصه و ملح وفلفل اسود وبهارات(كمون وكزبره ناشفه مطحونين) وماء مغلي وهذا شكل السايل
وهنا من ناحيه ثانيه
وتضغطينه بصحن اصغر من فوهة القدر عشان مايتفكك وقت الطبخ
وتتركينه يغلي على النار تقريبا نص ساعه وبعدين خففي النار عليه واتركيه عشر دقايق تقريبا
واذا كان باقي مااستوى الرز ممكن تضيفين قليل مويه وتتركينه على نار هاديه
وهذا شكل المحشي في طبق التقديم
وهذي صوره للطبق من ناحيه ثانيه
وهذا شكل سفرة غدانا لليوم
عاد مااوصيكم بالردود الزينه وارآكم اللي تشرح الصدر وتشجع الواحد وتحمسه انو يستمر في وضع وصفاته
واي سؤال انا حاضره خواتـــي