هذي ثاني مشاركة لي في اطباق حواء وأتمنى تعجبكم
انا كنت عند اهلي آخر الأسبوع وبالرغم من أهلي نظامهم الخميس غداهم كباب من الحربي << كبابجي مشهور اهل جدة يعرفو
الا اني قلت الوالد الله يحفظه حيفرح مرة << ماشاء الله عليه يحب يتذوق ويجرب ويعشق اكل بنته << يحسبني ما اطبخ في بيته ادلع زي ما كنت عنده
المهم
اليكم الخضار :
* بطاطس + ففل رومي + بصلة مغلية على النار لمدة 10 دقايق +كوسا
ومرات اسوي الطماطم بس اليوم ماسويته
مقادير الحشوة ....
ربع كيلو لحم مفروم بقري
3/4 الكاسة رز مصري وممكن رز عادي يتنقع نص ساعة في ماء حار
3 حبات بصل مفروم صغير
م ص ثوم مطحون
كزبرة خضراء + م ش كزبرة ناشفة
ملح + فلفل اسود + فلفل ابيض + شوية زنجبيل اخضر + م ش زنجبيل بودرة
اخلطهم تماااااام مع اللحم بالملعقة ........
مقادير الصوص :
في الخلاط 4 طماطم متوسطة + ابصلة كبيرة + ا عرق فلفل اخضر كبير
لان الصغير يكون مرة حار والكبير حرارته اخف
واضربهم في الخلاط
اقور الخضار واحشيها
واللي سألوا عن البصل ...بعد ما اغلي البصل اخذها واسوي شق من لجنبين واصير اشيل طبقات البصلة طبقة طبقة ببطء وبعدين احط فيا الحشوة والفها واربطها بخيط
واحطهــــــــــــا في الصيــــنيــــة
واصب الصوص فوقها
واحط ماجي + ملح + كمون شوية + ليمون في كوب مع شوية ماء في كوب واصبها فوقها
وبس اتركها من 45 دقيقة الى ساعة
وعليكم بالعافية
طبق لاول رد .........
وهذاالطبق الثاني لعيونكم ........
ماشاء الله
تسلم الايادي
ماقصرتي