محفزات الولاده

فينكم ياكروشات

ردواعليه

والله للأسف ما مر علي بس اقدر ارفع الموضوع

وافيدك بطريقة لي انا مسويتها بآخر حمل لي بولدي

كنت جالسه الصباح عالانترنت اتصفح في عالم حواء .. زوجي توه طالع هو وولده للدوام والمدرسه

واحس بطفش فضيع كل يوم امشي ومافيه ولا بوادر ولاده ابد .. وكان هاليوم هو آخر يوم لي بالتاسع

وانا اتصفح مر علي وحده كاتبه ان اللي تآكل عسل طبيعي اصلي مع رشاد يفتح الرحم وثانيه كاتبه حليتيته تفتح الرحم

قلت بس هذا حل ... خلني اجرب وش وراي وصلت التاسع ..

واقوم المطبخ واخذ لك ملعقة عسل ( اصلي ) و معه ملعقة رشاد واحط معهم الحلتيته << 2 × 1

واكله واشرب عليهم كاس مويه واجيك على كرسيي وكمبيوتري مبسووطه مره واجلس اكمل تصفح

شوي ولاخمس دقايق وربي الا ذي اللحطه اللي جتني بظهري .. قلت لاشكل هذي تستهبل

واجلس وتجيني بعدها بدقايق وحده ثانيه اشد والله اني قايمه من الكرسي على رجولي من قوتها فزيت

وخفت مررره وقمت ارجف قلت شكله طلق ذا والا وشو ؟؟ وكنت مواصله مابعد نمت

قلت اجل خلني اروح اريح شوي وانام لو كانت ولاده اكيد بتكون بالليل اكون شوي شبعانه نوم

رحت فراشي ... دقيقتين بالضبط الا تضرب ذيك الحنفيه انطلقت المويه علي

واركض الله يكرمك الحمام بسرعه وادبل الفوط .. وادق على زوجي واطير اقرب مستوصف وخشو علي قالو 2 سم

روحي المستشفى على طوول واروح والمويه تضرررررررررررررررررررررررررب لدرجه تقولين وحده موب بالتاسع هذي بالرابع بطني

راح ثلاث ارباعه ... وعلى طوول دخلوني تنويم وكل 4 ساعات يشيكون عالرحم كم انفتح بعد 8 ساعات انفتح 4 سم

وجلست يوم كامل على هالاربعه .. واعطوني طلق صناعي وولدت .. وبس

يسلموا حبيبتي على الرد


بس انا الرحم عندي مفتوح واحد سانتي

تتوقعين يفيدني لو اكلتهم

والله مدري

لاني انا كان متسكر ووجهي موب وجه ولاده ابد

بس انتي تدرين وش حلك ؟؟؟ المشي

دامه 1 سم .. كثري مشي .. اذا حسيتي بمغص اشربي زيت الخروع من الصيدليه بكاس عصير

واصفته دكتوره لاختي بس تقول ماتشربينه الا فيك طلق خفيف وهو يحمي الطلق

ولاتنسين حليب بالعسل سمعت بنات يمدحونه مره بعد ..

ولاتنسين القرفه

ولو شفت شي يفيدك بجيبه لك ولايهمك

الله يجزاك خير حبيبتي والله يخليلك زوجك

والله ماقصرتي