اذا كان بالتلفون افتحي هاتف مصرفي من خدمه 800 الموجود لدى بنك الاهلى
واتبعي التعليمات يقولك هل تريد الاشتراك بخدمه الهاتف المصرفي اضغط 1 وهكذا0
وخدمه الهاتف المصرفي رائعه: تسديد فواتير_كشف عن اخر خمس عمليات تمت على حسابك
_ تحويل(ويكون سبق وحولتي من مكائن الصرف قبل كذا) وبعدين تقدرين تحولين من البيت
عشان يتخزن الرقم_تكتبين بالاكتتابات الجديده بدون عناء وذهاب للفرع_بيع وشراء اسهم
وهو يعطيك تعليمات0

اما خدمه الانترنت افتحي على موقع بنك الاهلى
http://www.alahli.com/arabic/index.asp

وسجلي يعني عبي الحقول الي يطلبها منك في قسم الاستثمار مع بنك الاهلي _
سوق الاسهم السعودي وعبي البيانات رقمك السري واسم المستخدم ورقم المحفظه

وبكذا تقدرين تبيعين وتشترين من الاسهم المباحه والي عليها اخبار طيبه واستخيري اولا
بس لاتشترين اسهم بنك الاهلي نفسه تراهاااا غير مباحه وربووووويه0
بس انتي تتعاملين معاهم _مافيها شيء باذن الله. والله اعلم

انا ماعندي حساب بالاهلي بس حبيت افيدك من خبرتي بالراجحي البطيئئئئئ
الي فقع مرارتيييييييييييييييييي0

ودعواتك لي يالغلا

الله يوفقك ويزيدك من فضله بصراحه افدتيني بكل شي

الله يكثر من امثالك ويوفقك دنيا وآخره

ربي يعطيك العافيه ...

طيب بنات الله يعافيكم ابي اسالكم عن العربي الوطني كم يحتاج عشان نفتح محفظة وكيف تعاملهم معانا يكون عاد الفرع النسائي تعرفونه بالراشد يعني انا توني فتحت حساب عندهم اقولها ابي محفظة ولا شنو الله يعافيكم دلوني بالسالفه

الاخت الغاليه الي تسال عن محافظ الاهلي الاستثماريه صراحه انا فاتحه محفظه من قبل

شهرين ونصف وماتدخل بشئ لابيع ولاشراء هم يبيعون ويشترون وطبعا هذي المحفظ مصدقه

من هيئة كبار العلماء ومابين فتره واخرى اطمان على حسابي عن طريق الهاتف المصرفي

والله اول مره افتح محفظه وان شاء الله اشوف خير هالبنك علي لان البنوك الثانيه لو تفتحين محفظه بمبالغ خياليه جداً

بالنسبة اختي همسة الخبر لسؤالك نعم بعد ماتفتحين الحساب قولي لها ابي محفظه

والله يوفق الجميع ...