محلات ازياء في بيروت

اااااااااااب

مشكورة حبيبتي على الرفع
بس معقولة محد عنده معلومات
رجاءا اللي تعرف ترد او ترفع للضرورة

محلات الأزياء كثير في الفردان وشارع الحمراء لكن تلقينها في ماري الياس ارخص وفرن الشباك بعد وبرج حمود وهذيل أسواق شعبية وتلقين فيها محلات

أطفال مو ذاك الزود في بيروت

نصيحة اختي لا تأملين كثير بروحة بيروت..

صدمة حياتي..لا تتوقعين تلقين ماركات مثل اللي عندنا ولا مولات ..هم 3 مدري 4 مولات صغييييرررة...ولا عندهم ولا ماركة عالمية مثل شانيل وطقتهم..واسواقهم الباقية كلها على الشارع..يعني مشي...

واذا انت غرضك للسفر التسوق..روحي دبي..

ما اظن فيه مثلها بالعالم كله..كثر ما سافرت ما شفت مثل هالمدينة..


واذا انتي رايحة رايحة..

عندك السوليدير والفردان والحمراء..تقريبا نفس البضاعة بس الاسعار تنزل تدريجيا ..

والمار الياس وفرن الشباك و حمود...هذي ملابس تركية بس راقية شوي..واسعارها حلوة..وطبعا جزم وشنط.تقليد. . وملابس اطفال..

وفيه abc فرعين اغلبها مواعين ومشدات وفساتين بس اسعارها ما تستاهل..

وفيه سيتي مول هذا أكبر مول عندهم..طبعا صغير مقارنة باللي عندنا..وهذا تشكيلة واسعاره مثل ربعنا..

وترى اغلب اللي تشوفينهم متسوقين من بيروت..يشترون من حريم..يكونون فاتحين بوتيكات ببيوتهم ..ويجيبون بضاعتهم من برى..تتفقين معها وتروحين لبيتها..بس انا زوجي يقطعني ولا اروح لهم..


بيروت فيها المطاعم اللي زحمتها تكرهك عيشتك..وطبيعة لا بأس بها بس ما تسوى العنوة..

لكن للأسف مستوى المدنية عندهم متراجع جدا بسبب الحروب والغلاء غير طبيعي خاصة للسياح..لاااازم تدققين في كل فاتور..


يعني باختصار اسمع بزيد خير من ان تراه..

اذا تبين معلومات ثانية عنها ..علميني..