جزاك الله كل خير يالحبيبه:26:

اذا تبين صدق خزانة تنفعك هي خزانة وهي ممكن كديكور في البيت مصنوعة من الخشب الهندي الخالص والديزاين مالها هندي قح واتخبل وايد وايد بتحصلينها في سنشري مول الجديد في دبي في الدور العلوي وهي بسعر 1200 درهم امارتي فقط ويابلاش على شكلها ديكورها لايعلى عليه لا تفوتينها ،، اذا اتحبين الديكور الهندي وهي على فكرة مثل البوابات القديمة :26: :26:

السلام عليكم ورحمة الله وبركاته ..


انا من الشارقة واول مرة اسمع عن المحل ...

بس خسارة لاني اشتريت الاثاث .... بس كان خاطري في مفارش مثل اللي اشوفها في المنتدى ... و ما لقيت .... عيزت من كثر ما دورت و اخر شي لقيت محل في القرية السعودية مفارشهم تخبل ...... من اللي في خاطري ... و خذيتلي واحد...

بس احينه انا ادور على القطع اللي بلفهم على الطاولة او نفرشه على طرق السرير ....عرفتو شو اقصد ...

خاطري في ديكور حلو لغرفتي ..... ضروري قبل 28-3
لان عندي مناسبة خاصة ....

اختي الكريمة (من جميرا) حياكِ الله .. وإن شاء الله لي رحت دبي اسير لهم .. ما قصرتي يالحبيبة..

الكريمة روز..

اذا على القطع ما لك إلا (هوم سنتر) أو (The One) .. هم المتخصصين في هذه الشغلات وخصوصا ذا ون في أشياء السرير .. وإن شاء الله تحصلين اللي تبغينه ..

اختكن/ زعفران