عندك عتيقه فيه محلات تبيع بالجمله

والرجبه الصراحه اسعاره حلوه وفيه لهم فرع بالسويدي والعريجاء والبديعه والشفاء

up

شوفي سوق هناك اسمه عتيقه اغلب الي في الرياض يعرفونهوهو في جنوب الرياض قريب من الشفاء وتلاقين جنبهم خضار بعد ارخص من محلات الخضار فرق محلات جب بعض كلها جمله جيبي لك ورقه وقلم وقارني الاسعار من محل لاخر لانهم جنب بعض ويغيرون في السعر بفارق بسيط وانا الشهر اخذت من عندهم نص كرتون من كل نوع علشان حنا عيله صغيره وتكفينا ثلاث شهور وتطلع الحبه معك ارخص من السوق بفارق ريال اونص ريال مو اكثر

ولزم تكونين تعرفين الاسعار قبل تشترين سعر الحبه والكرتون كم فيه حبه وزي كذا
لاني كنت بشتري من عندهم حليب نيدوا طلع غالي اغلى من السوبرماركات بفارق ثلاثه ريال والعصير حق الاطفال اخذت الربيع الي في السوق بس 21 علبه وعندهم 27 حبه والسعر يبلاش ب19 ريال يعني فرق شاسع
وهذ الي اختها من عندهم
1حلاوه سطل حلاواني ساده وزن 3كيلو ب45 ريال
وكرتون حليب بوني صغير 48 حبه 83
ونص كرتون قشطه التاج حجم كبير ب89
ونص كرتون تونه جيشاء حجم صغير 59
وكنت ابي بيتي بس يقول ماعنده
كرفت علبه صغير نص كرتون ب98
وطحينيه 4حبات نوع طعمه مره رهيبه ب28 ريال
والباقي قلت الشهر هذا لان في اشياء طلبتها يقول مو عنده
فيه بعد جبن كيري بالكرتون ارخص
وجبن سائل وجبن شرائح
وخضار مجمد
واشياء كثيره

رجبه رخيصه ولها فرع بالشفاء والنسيم والربوه بعد على مااظن
اسعارهم مرررره رخيصه بس يبغالك تنتبهين عند الكاشير لانهم يلهفون
منك خمسه او عشره وانتي ياعمري ياغافلين لكم الله
عشان كذا لازم تكونين مركزه بالحساب كووويس...
وفيه بعد المخازن هذي ارخص من رجبه بس والله مااعرف هي وين بالضبط
لان الوالده الله يطول بعمرها دااايم ماتاخذ اغراض البيت الامنها ...
بجيبلكم الوصف قريب..