كيف الاحوال مع الزفت الامتحانات
الله يوفق الجميع وينجحكم اجمعين
مشكلتى مشكلة بس ان شاء الله القى عندكم حل
هو انى مالقيت الشنطة اللى تعجبنى انا اشوف شنط على البنات مرة حلوة وفخمة وعملية بس انا لا تخيلوا انا الحين طالعة لثالث كلى والى الان ما لقيت
طلبى منكم اى وحدة تعرف موقع بالنت معروف ومضمون تكفون ترسله على الخاص
بشرط تكون هى جربته
بس ابغى اسعار معقولة لان راس مالى المكافاة عاد انتم تعرفون وش سالفة المكافاة شهرين ما تجى واذا جت ناقصة الله يعين بس
وخاصة انى راح ادفع للنقل 500يعنى الباقى بس 300تكفون ساعدونى
او تعرفون محلات زين بالقصيم وخصوصا الرس لان انا ماعندى احد يودينى للبريدة او عنيزة
ابغى ان شاء الله السنة الجاية تكون شنطتى عاجبتنى ومرتاحة فيها
انا ابغى زى الشكل هذا ونفس اللون ان امكن
والله يرزقكم ماتتمنون وحقق لكم امانيكم
