السلام عليكم ورحمة الله وبركاته
اخواتي
انا شفت من فترة اعلانات لمحل اسمه بوابة العطور
يبيع عطورات تعبئة بروائح العطورات الاصلية المشهورة
سعة العبوة حوالي 55 مل
ولا يبيع لك الا بالعرض اللي اشتهرو به
اشتري 5 عطورات بمبلغ 375 ريال
يحتسب لك العطر الواحد بـ 75 ريال
انا ابري ذمتي واقول لكم عن هذي العطورات التعبئة
-الروائح تختلف عن الاصلية واللي متعود على الاصلي بيلاحظ الفرق
-السعر جدا مرتفع بالنسبة للتعبئة والدليل انك تشترين عطورات التعبئة من محلات ثانية بسعر لا يتجاوز 25 ريال
(بتلاحظونها اكثر شي في المهرجانات والاسواق الشعبية )
-بالنسبة للمحل متكلف جدا بالديكور عشان ينافس محلات العطورات الكبيرة المشهورة
-واذا طلبتي شراء عبوة وحدة فقط بيطلع لك سعرها 125 ريال
-احتمال تسبب الحكة والعطاس والم في الجيوب الانفية احيانا اذا زاد التركيز او لم تصنع بشكل جيد بالاضافة ان عبواتها عرضة للتلف
دائما
الاحتيال في الموضوع :
-زجاجة العطر المركز لاي رائحة معروفة تباع بسعر 300 ريال وتحصلين عليها من مصانع العطور وغالبا اشخاص يحصلونها في دبي
-الكحول او السنير اللي يخفف به الرائحة يباع بالجالون وسعرة رخيص جدا لا يتجاوز العشرين ريال
-بهذا الجالون والعطر المركز يستخرجون مئات العطورات التعبئة وتباع بهذة الاسعار المبالغ فيها بالنسبة لجودتها
الشركة هذي لهم موقع يقلدون فيه مواقع شركات العطورات العالمية ويعرض لك اسعار العطورات الاصلية بزجاجاتها ويزيد في سعرها ليبين للزبون انه ارخص من العطر الاصلي وهو كذلك
تحققي من الموقع بنفسك
واخير:
ياشاري الدون بالدون
تحسبك غابن وانت مغبون
تحياتي
sweet as candy @sweet_as_candy
محررة فضية
يلزم عليك تسجيل الدخول أولًا لكتابة تعليق.
مس فاشن
•
يعطيك العافية شفت اعلاناتهم بس ماجربتها
عاد انا ناويه اروح لهم !!عاد انا ناويه اروح لهم !!
الحمد لله مارحتي :icon28:
بالسعر هذا تقدرين تجيبين زجاجة عطر واحد فخم واصلي تفتخرين فيه :pinklove:
موفقة والجميع
بالسعر هذا تقدرين تجيبين زجاجة عطر واحد فخم واصلي تفتخرين فيه :pinklove:
موفقة والجميع
الصفحة الأخيرة