محلات بيع الأثاث في مصر ...؟؟

ايه يا بنات مافيش حد من مصر هنا ولا ايه ؟؟؟
طيب قولولى مبروك حتى وربنا يتمم بخير
عبرونى يعنى

مبروووووووووووووووووووووووووووووووووووووووك وعقبال كل البنات واللي انا منهم:27:
ربنا يتمم علي خير ياااااااااااااااااااااارب ويرزقك بالزريه الصالحه ويجعل حياتك فرح في فرح
بوصي حبيبتي انا من الاسكندريه وفي عندنا شارع مليان محلات اثاث بس عن الاسعار انا من عارفه اصل امي ورتهوني لانها جابت منه وهي في عمرنا كده لما كانت لسه عروسه بس انا مش عارفه الاسعار دلوقت عامله ازاي
بوصي هقولك علي سر شوفت حته غرفه نوم رووووووووووووووووووووووووووعه في شارع اسمه الفلكي بس مش فاكره اسم المحل بس عنده حجات تخبلللللللللللللللل غرف تجنن وتصدقي اللي رايح واللي جاي يتفرج عليها وينهبل من جمالها
انا هسال ماما اسم الشارع ايه وانشالله اقدر اساعدك
والف مبرووووووووووووووووووووووووووك
اختك مراهقه مصريه

الف مبروك يا جميل و ربنا يتمم بخير و يرزقك بالزرية الصالحة اما بالنسبة لاستفسارك فالحقيقة ان الاسعار عندنا فى مصر بقت غالية جدا بس اظن ان الحل موجود لية متشوفيش اى موديل حلو و تبحثى عن نجار متميز ينفذوة باسعار اقل بكثير و بالنسبة للغرف ممكن تختارى من الموديلات اللى موجودة فى المنتدى0 و الف الف مبروك ربنا يوفقك ان شاء الله:21:

حبيبتي انا سالت ماما واسفه علي التاخير وزي ما الاخت فلور جيرل قالت احسن طريقه انك تشوفي الاثاث اللي عايزاه وتعمليه عند نجار بالمواصفات المطلوبه هيوفر فلوس كتييييييييييييييييييييير
طب تعرفي انا ماما قالتلي ان بنت عمتي شافت هنا في اسكندريه غرفه نوم عملت 10000 جنيه راحت دمياط لقت نفس الاوضه هناك اقسم بالله جابتها 5000 جنيه بس تصدقي ديه ولما سالتها قالتلي علشان انتي بتخديها من المصدر الاصلي فبتكون ارخص بكتييييييييييييييييير وعموما الشارع اللي قلتلك عنه اسمه العطارين بس انصحك انك تعملي عند نجار او تروحي دمياط لان الاسعار هناك ارخص كتير من هنا
وربنا يوفقك في حياتك يارب
مراهقه مصريه

شكرا يا اخت مراهقه مصريه وعقبال عندك يارب وكل السامعين
على فكره انا من القاهره بس خطيبى من اسكندريه وان شاء الله حنتجوز فى اسكندريه
واكيد ححتاجك لانى معرفش حد هناك تقوليلى على اماكن الفسح والشراء والحاجات دى
انا خايفه اخلى نجار يعملى الاوض لانى خايفه متطلعش زى مانا عايزه بقول جاهزه اضمن
بس ان شاء الله حنروح دمياط مره برضه ناخد فكره بس بيقولوا بعد العيد بيفضلوا قافلين اسبوعين
وان شاء الله نخدمك فى الافراح دايما
وشكرا للاخت فلور جيرل للرد وعقبالك ان شاء الله