ختي loitta معليش كلامي حيكون طويل بس أتحمليني لأني ما أبغاكي تتعبي مثلي ؟ ؟ ؟
أنابصراحه مره ما يعجبني سوق النجار ولا عصام ناس لأن فساتينهم موديلاتها ما فيها أي غرابه وقديمه ومنتشره ونوعية التطريز حقها رخيص ,

ولأنه عندي فرحين واحد عند أهل زوجي والثاني حق بنت خالتي , رحت يوم الربوع والخميس وما خليت مركز في جده وإلا رحته , وطبعا المساعديه رحتها وانصحك لا تروحيها لأن فساتينها صارت زي النجار وعصام ناس (ما أدري ليش صار معفن رغم إنه زمان كان روووووووعه) . المهم بعدين لفيت و دورت ولقيت محل في (مركز التحليه ) ايلي في شارع التحليه فساتينه خطيييييييييره وتهببببل بس ناسيه اسمه (لكن أول ما تطلعي من السلم الكهربائي تلقيه على اليسار )
وكمان في محل في مركز (لا مول ) ايلي بشارع التحليه يبيع تصاميم زهير مراد واسعاره في حدود (3000) الاف وكمان تهببببببببببل . ( وياريت إذا أشتريتي سواء من هذه المحلات أو غيرها ترسلي لي على الخاص ) لأنه تعرفي الإختبارات قربت وما أجلس على النت كثير . وعفوا للاطاله بس ماابغاكي تتعبي زي ماتعبت :27:

ايوه صح يا اختي نسيت أقول لك اني رحت كمان ( جده مول ) وهواحيانا يجيب اشياء حلوه , بس ما لقيت عنده هذه المره فلا تتعبي روحك وتروحي له

احلا حلاوة حبيتى كيف اسعار مركز التحلية ووين بالضبط مركز التحلية
وبالنسبة للنجار والله حرام عليكى ملابسه تجنن وراقية بس الله يوزع الارزاق علشان كدة الاذواق تختلف و مشكورة مقدما :26: :26:

احلى حلاوة:
حبيبتي شكراً على هالمعلومات المفيده .وانا صراحه تعبت والعرس قرب وما اقدر افصل خلاص

بس مركز التحليه كيف اسعاره سمعت انها غاليه؟