محل حلو لايفوتك

هلا اخواتي الحلوات مره قريت لوحده الله يجزاها خير عن قوالب السليكون تقول انها ماخذته من محل على شارع الميه في شرق الرياض اسمه احلى شي لكل شي فرحت له صحيح اني مالقيت الاشكال اللي ابي بس تفاجأت اني لقيت عنده اغراض تاجرات المنتدى بنفس الاسعار وبعضها ارخص بعد خصوصا اني والله توني طالبه معظمها من وحده في الشرقيه اتأخرت في الشحن والاغراض جت والله ناقصه واشياء بأشكال ماطلبتها مو حلوه وعذرها اشنع من تصرفها الله يهديها رغم اني قد تعاملت مع غيرها الشهاده لله قمم وروعه الله يذكرهم بالخير فأعجبني المحل منه انك تشوفين البضاعه على الطبيعه قبل لاتشترين ومنه تفتكين من الشحن ومشوار استلامه فحبيت افيدكم