انا دايم اشوف حل خان الصابون في حياة مول والرياض غاليري ونفسي ادخل المحل بس ما يكون معي وقت الهم قلت خلني ابحث عنة واعرف اذا يستاهل المحل اروح لة وفعلن سويت البحث وتفاجات با اغراضهم وحدة في منتدى اماراتي اشترت من عندهم كريم ورمم بشرتها
اخليكم مع كلامها
خواتي حبيت اعرض عليكم تجربتي ... رحت الأسبوع اللى طاف القرية العالمية ومريت صوب القرية اللبنانيه انا وبنت عمي وقلنا بندش ..اول ما دشينا شفنا محل خان الصابون في ويهنا المهم عاد انتو تعرفون اللبنانيين ورمستهم الحلوه وتمو يتمدحون في منتجاتهم وواثقيييين وخبرونا اونه شيخه اشترت من عندهم بميه الف وتم كل واحد فيهم يشوف بشرتنا ويخبرنا شو تحتاج من الكريمات .. انا بشرتي دهنيه وفيها شويه حبوب وعندي ندب شوي في خدودي وهالات سودا حول العين قالي بعطيج كريم فضيع يزيل لج الندب والهالات السودا ويصفى الويه اسمه كريم الهالات السودا وقالي والله العظيم خلال اسبوعين بتشوفين الفرق وبتدعيلي المهم قلت له لا تقص عليه قالي والله العظيم استخدميه وجربي وهاذى بطاقة المحل كلميني اذا ياب نتيجه وياج .. انا شفت الريال واثق من كلامه قلت خلني اجرب لاني مليت من دكاتره الجلدية وتراني اسوي فيشن في الصالونات ولاعت جبدي لانه الحبوب ردت تطلع وبشرتي دهنيه قلت في خاطري بجرب الكريم اللى يقول عنه ... عطاني كريم الهالات السودا والكريم الملكي بالكركم وقالي استخدميه لمده ثلاث ايام بالاسبوع وكريم غذاء البشره وفعلا يا بنات استخدمه ولا حظت من يومين الفرق ويهي ابيض وصفى واشوف الندب بدت تخف لانه الكريم يرمم البشره والحين يالسه استخدمه ومستانسه واييييييييييد وعلى فكره حبيت اخبركم انه عطاني كريم الهالات السودا ب 300 درهم والملكي بالكركم 200 هو غالي بس اشوفه والله زين وبستمر عليه ان شاء الله ..واصلا منتجاته كلها حلوه لانه ربيعتي استخدمت من عنده صابون وكريمات تبييض وفعلا تمدح منتجاته وتقول حست بفرق كبير وعنده بعد كريمات تبييض المناطق الداكنه واييد اشياء حلوه ... هيه نسيت اخبركم قلت له زين الاتات شراتكم ولا انتو غير قالي يخسي زين الاتات شراتنا هذا معظم منتجاته فيها مواد كيمائية وانتي ما تدرين انه محل زين الاتات في السعوديه سكروه والسبه انه منتجاته كيمائية قلت لا مادري وقالي ما تلاحظين انه منتجات زين الاتات ما يكتبون مكونات العلبه قلت صح لاني من زمان اذكر خذت عن زين الاتات علبه تنظيف المصران وخفت استخدمه لانهم مش كاتبين المكونات .. بس لاحظت منتجات خان الصابون يكتبون المكونات وكلها طبيعه مثل العسل وزين الزيتون ووايد اشياء طبيعيه .. وخذت عنهم بعد صابون باكليل الجبل ريحته وايد حلوه وانا قلت برد اسير عندهم الصراحه منتجاتهم حلوه وايد .. خواتي حبيت اخبركم بتجربتي مع منتجات خان الصابون وان شاء الله تستفيدون
من منكم جربت منتجاتة وخاصة كريم الترميم وكم سعرة ان شاء الله ابروح لهم بس ابي تجاربكم
