محل سحر الليالي للكوشات و الطاولات

السلام عليكم ورحمة الله و بركاته

انا حبيت اذكر لكم تجربتي لان محلات الكوشات والطاولات تهم الكثير خصوصا اللي بيسوون حفله لاول مره او من خارج الشرقية وحفلتهم بالشرقية

تعاملنا بزواجنا مع محل سحر الليالي ،، الموظف كان سوري ،، اعطانا وعود فوق الخيال وان كل شي رح يكون مضبوط وعلى طلبنا ،،، لا وقال رح احضر الساعه 5 عشان اشوف اي شي ناقص او تحتاجوه واحضر الاناره

المهم ،، طبعا سووا الصاله على مزاجهم ماشفنا ولا شي من اللي طلبناه ،، الكوشه ركبها واختارها على كيفه ،، و مفارش الطاولات حط اللون اللي هو يبغاه احنا طلبنا ذهبي واخترناه بالمحل وهو حط لنا سكري في بعضهم والبعض الثاني حاطه لون غير !!!!!! قمة الترقيع

اغطية الكراسي كل كرسي غطا شكل ،، وكل واحد لون ،،،، تخيلوا المنظر انتو :( تخيلوا كرسي ابيض و جنبه سكري ،، وربطات الكراسي وحده سكري والثاني مايله على اصفر ،،، باختصار كل كرسي لون وشكل ونقشه غير عن اللي جنبه:icon33:

اقمشة الطاولات و الكراسي ،، قمة في القذارة وغير نظيفة.

فوق الطاولات فازات داخلها المفروض يحط لنا مويه ملونه جابها لنا فاضيه من داخل
وجزء من الطاولات ناقص اغراضها ،،،
فوق الطاوله في زجاج مرتفع عن الطاوله تخيلوا حاطه وتحتها فناجين قهوه :mad: بدل من يثبتها بشي ثبتها بفناجين قهوه !!!!!!
وجزء من الفازات مكسور وبمجرد ماوحده من المعازيم لمست الطاوله طاحت الفازه وانكسرت :44:

الجسر المفروض يغطيه بقماش من الجوانب ،، ماغطاه تخيلوا منظر الجسر القبيح بدون غطاااا :(
وفوق الجسر في قطعه حاطها وعدنا يجيب لنا جديد توه مفصلها ،، جاب لنا قديمه ووسخه وحالتها حااااااله

والاعمده المضاءه اللي جانب الجسر وعند الكوسه ،،، مجرد ديكور ،، يعني مانورت ولا اشتغل فيها شي حاطينها كذا بس

طاولة الاستقبال ،، جاب اغراضها بكرتون وقال انتو حطوها مالنا علاقه احنا نركبها

الورود .. كان مررررره شوي مو زي ماوعدنا

باااختصار ،،، كل شي خربه لنا مافي ولا شي مضبوط :icon33:

دخلنا المكان وكان اللي يركب موجود وانصدم لما شافنا وخاف وقلنا له جيب النواقص ،، قال اي بروح واجيبه
ولا حس ولا خبر راح وماعاد شفناه ،، والادهى والامر نتصل عليه ومايرد

طبعا فلوسه اخذها مقدم زي ماكل محلات الكوشات يسوون يضمنو حقهم بعدين ماتشوفي شي

عموما مناسبتنا خلصت بعد ماكان المكان من ابشع ماتتخيلون ،،، لكن حبيت اطرح تجربتنا لمنتداي المفضل عشان الكل يستفيد وينتبه من هالنصاب ...
الله لا يوفقه وحسبي الله ونعم الوكيل فيه

لكم خالص الود والاحترام