الا موجود عندهم شفته في فرعهم بالجامعه مول

كريولان حسب علمي مو مضمون انها اصلية بالسعودية بشكل عام
مع ان لها وكيل بس مدري ليه متواجدة عند الكوشكات اللي يبيعون خرابيط المكياج الرخيص وبأسعار متفاوته !!
لان مالها محل معتمد والوكيل مخلي الشغلة توزيع صار فيه مجال كبير للتقليد انه يدخل بين الاصلي ولا تدرين عنه الا وقت الاستخدام
فرق شاسع بينهم والله
للاسف انا شخصيا وقعت في موضوع الغش وانضحك علي بكونسيلر كنت شاكة فيه واخذته وليتني ماغامرت
اخذته ب100 ريال ولقيت الاصلي بالبحرين ب160
ماتأكدت انه تقليد الا يوم اخذته من البحرين
كنت استخدم القديم اللي عندي احس فيه شي غلط يكتل ويدهن بقوة
لما جربت اللي خذته من البحرين لقيته شي ثااااااني
وشفت نفس اللي عندي بواحد من المحلات الكبيرة بمارينا مول والله نسيت اسمه
طبعا عرفت الفرق بعدين بالستيكر اللي على العلبة من تحت
يعني اللي تلقينه بالسعودية غالبا مو مضمون والعلم عند الله وحده حتى لو كان بمحل له اسمه
اذا تبين كريولان وانتي مرتاحة وضامنتها خذيها من البحرين لها محلات باسم الماركة بالسيف مول والدانة
او اذا تعرفين وحدة عندها شي من الاصلي خذي العلبة وصوريها من تحت وطابقيها باللي تلقينها بالسوق في حال لقيتيها
والله لو اني ببيتي كنت صورت لك العلبتين تشوفين الفرق بس حاليا انا مسافرة

بالتوفيق يالغلا