محمول درجة حرارته مرتفعه

وعليكم السلام ورحمة الله وبركاته ...

أتوقع ياعذوبه أنتي نفس المشكلة اللي صادفتها أختي بجهازها كانت 24 ساعة شابكة الشاحن بالجهاز وما تفكه حتى لو البطارية امتلت وهذا أكبر خطأ لأنه يقلل من عمر البطارية وعلشان كذا تصادفك مشكلة عدم عمل الجهاز الا لما تشبكينه بالشاحن ...
فودت الجهاز لمحلات الكمبيوتر اللي بطريق العليا وصلحوا لها الجهاز والبطارية خلاااااااص ما عاد تنفع اشترت ثانية جديدة ...

وأي سؤال أنا جاهزة يا قلبي لا يردك الا الكيبورد ...

هلا وغلا فيك أختي لحظة سكون

يعني المشكله بس بالبطاريه والحراره المرتفعه ايش حلها

طيب اذا ماعليك آمر يالغلا وين بالضبط المحلات اللي راحت لها أختك وكم كلفها

وهل خلاص انتهت المشكله بتغير البطاريه

أعذريني على اسئلتي بس ابغى اروح على بينه مو على جهل

وشاكره لك مرورك الله يجزاك خير

المشكلة في البطارية

غيريها

أهلين عذوبة أنثى ...
شوفي يا قلبي ترى المشكلة من البطارية وهي سبب ارتفاع الحرارة ولازم تغيرينها ...
ومحلات الكمبيوتر موجودة على طريق العليا العام ( شفتي الفيصلية مو تطل على شارعين طريق الملك فهد من جهة ومن الجهة الثانية العليا أنتي خليك بالعليا ) عند إشارة الفيصلية بالضبط عديها كأنك بتروحين للجنوب يعني خلي مركز المملكة خلفك وقبل لا تصلين الاشارة الثانية بتلاقين محلات الكمبيوتر على يمينك بالضبط ولما سألت الوالد قال ترى المحلات اللي داخل أحسن من اللي على الشارع ... ( الله يعينك على وصفي إن شاء الله تكونين فهمتي علي بس ) ...
والحمدلله الحين ما تشتكي من شيء بجهازها ويشتغل من غير شاحن ...
بالنسبة للسعر يختلف حسب أنواع الجهاز والبطاريات وأتوقع كلفتها 300 وشوي ونوع جهازها توشيبا ...