السلام عليكم ورحمة الله وبركاته
مثلي مثل اي ام تهتم بصحة طفلها بحثت عن افضل شي وقريت عن بديا شور وفوايده للطفل وقتها ولدي عمره سنه وكان مرره نحيف وتوكلت ع الله وشريت له بديا شور ومررره حبه واستمر عليه مايقارب 9 شهور زانت صحته وصار سمين بعدين وحده من صديقاتي قالت لي انها سمعت اخصائية تغذيه علاجيه تقول ان بديا شور ماينعطا الا للطفل اللي صحته ضعيفه وبس يتحسن ينقطع عنه
صراحه خفت ورجعت ابحث عنه وسالت الصيدلي عنه مالاقي غير اللي يمدحه بس قلبي قرصني وخفت وقطعته عنه بالبداية تعبت ع بال مانساه
بدا ينحف بس مو مره صحته زينه بس لاحظت ان فيه اثداء والكرش ماراحت وعقب كم شهر نزل وزنه طبيعي بس للحين فيه كرش وفيه اثداء بس مو مره كبيره وديته للدكتور وقلت له عن بديا شور قالي انه يسبب تثدي للطفل وكرش انا انصدمت وخففت ع ولدي الله لايبتلينا يارب فيهم
قالي اراقبه لين تخف الاعراض عنه وان شاء الله تروح ولازم ماينعطاا ابدا ابدا لاي طفل
ياامهات لاتردون ع الاعلانات والدعايات اللي نشوفها والله انهم يغررون فينا والضحيه احنا واطفالنا
كتبت هالموضوع لأهميته واتمنى تنتبهون وتقطعونه عن اطفالكم الله يحفظهم لكم من كل شر يارب
ياليت المشرفات يثبتون الموضوع حتى يقروه اغلب الزائرات والله يجزاكم خير
ام سسلطان @am_ssltan
محررة برونزية
يلزم عليك تسجيل الدخول أولًا لكتابة تعليق.
^Ro0oZ^
•
جزاك الله خير
الفجر 🤩 :
معقووله! لويسبب كذا منعوه الحرس الصراحه عناصره مفيده ولا يمكن تلقينها بحليب ثااااني ،معقووله! لويسبب كذا منعوه الحرس الصراحه عناصره مفيده ولا يمكن تلقينها بحليب ثااااني ،
يب معقوله ومن واقع تجربة اتكلم اذا انت تعطينه اطفالك وشفتي صحتهم تحسنت اقطعيه بالتدريج عنهم وممكن تسالين دكتور عنه والله يتمم عليكم الصحه والعافيه من دون مكملات يارب
الصفحة الأخيرة