حآجه ثآنيه :

حبيبتي بانصحك نصيحه من مجربه  اذا مانجح هالتنشيط معك خلااااص  فكيك من تلقيح صناعي وهالاشياء فكيك منها  اي تلقيح صناعي لازم معاه تنشيط وابره  انتي فيك تكيس علاجك سهل جدا ولو قريتي  بالتجارب الناجحه عرفتي ايش علاجك  بس يبيله شوية صبر  ليه تروحين تعبين نفسك بمنشطات  روحي لاي دكتور شاطر دكتور تاخر حمل  مو نساء وولاده  وقوليله معي تكيس واخذ تنشيط شوفي ايش يقولك  التنشيط ماينفع للتكيسات اذا نفع مع وحده ممكن تكيسها بسيط  يمكن بدعوه مستجابه  بس التنشيط يزيد التكيس واذا ماحكلتي هالشهر الشهر الجاي التكيس يزيد ويصير اصعب والفرصه تقل  شوفي انا راجع عند دكتور شاطر مره واول شي سواه  قالي لا لتنشيييييط  ثاني شي قال لا تقولين انا نحيفه لازم تخففين اكل  التكيس معناته انك تاكلين سكريات ونشويات اكثر مما تتحركين  وتمارسين رياضه فهرمون الانسولين يصير مشغول بتخفيض السكر فدمك  ولما تجي البويضه تتغذى عليه ماتلقى  فيقوم المبيض يطلع عدة بويضات صغيره  ممكن تكبر معاك وحده منهم مع التنشيط لكن بدون جووده  ماتفيد بشي لازم تكون متغذيه كويس وجودتها كوويسه اذا عرف السبب عرف العلاج باذن الله وتوفيقه  استمري على الرياضه المجهدة يوميا  جري ربع ساعه او اي رياضه تخلصين منها وانتس فحمانه ومعرقه  الاكل اقطعي ايش شي اسمه سكريات وحلويات وفواكه  ومكرونه واندومي  اكلي دجاج ولحم وبيض وحليب ومشتقاته وخضروات  خففي من الرز والخبز  هالنظام من اول يوم دوره لييين 14 بعدين راحه لين 20  كلي اللي تبين واستمري بالرياضه  ومن 20 لين تنزل الدوره ارجعي لنظام  كثري شرب مويه 3 لتر يوميا  ممكن تستخدمين قسط هندي وبردقوش  وحبوب جلوكفاج لانها تعوض الانسولين بسسس اي اعشاب ثانيه تنشط زيها زي الكلوميد  لا تاخذينها (ميراميه .. اناناس .. الخ ) استمري عليه بصبر شهر شهرين ثلاثه  وصدقيني بتبشرينا  انا شهر واحد وخفت اعراض التكيس كثير الحمدلله  وعرفت ان الدكاتره كانوا لاعبين فينا  ولا تنسين التوكل على الله والدعاء والاستغفار  والرقيه الشرعيه وقراءة القران والدعاء بالسجود  وسجود الشكر لله على نعمه العظيمه علينا  صراحه احزن لما اشوف وحده باديه من نقطة الصفر  اللي انا تجاوزتها وهي (التنشيط) 

حبيبتي بانصحك نصيحه من مجربه  اذا مانجح هالتنشيط معك خلااااص  فكيك من تلقيح صناعي وهالاشياء...