للرفع :)

أنا المخاوف هذي بعاني منها في الصيف فكيف لو رجعة نهائية ؟؟؟؟؟؟؟؟؟؟؟؟

انا نسيت عبارات المجاملة او ما تعلمتها بالأصل وبصراحة ما هي خاشة مخي ولو اني بفترة من حياتي حبيت اتعلمها بس غيرت رأيي.

الله يعين على التدخلات :

ابنك صار سنتين ليش ما بيروح الحمام ؟؟؟؟؟
بنتك ليش شعرها منكوش؟؟؟؟؟؟؟؟؟

ليه لك كرشة ؟؟؟؟ اكيد كمن العز اللي عايشينه

شو هالبوت اللي برجل ابنك ليش ما تشتري له جديد ؟؟؟

شو هالألوان ؟؟؟

وتعليقات ما تخلص .

ادري ودكم تذبحوني حطيت الموضوع واختفيت
بس والله مره متفشله منكم
ولاسباب نفسيه ووقتيه ودراسيه واكتئابيه وكمبيوتريه ماقدرت ارد عليكم
الاسيوعين الي فاتوا كنت من اجي من الدوام احط راسي وما اصحى الا ثاني يوم للدوام
اكتئاب واصل حده
حتى واجباتي احلها بالمترو خخخخخخ

دانه
هلا بالحلوه ام الحلوين
كيف عيالك؟؟وكيف ترنتو جاكم الحر ولا لسى
ضايق صدري ما ابي الصيف يجي ما احبه

ههههههههه فطست ضحك على روحته الاستراحه
حرام عليك خليه يروح بس ماياخذ الروحله حلى
<<<<<<<<<< تخطيطها لبعيد هو يروح الاستراحه وانا اروح اصيع عن اهلي
كلامك عين العقل ومكن يتطبق بس المشكله شلون مانخلي الناس تتدخل ؟؟
من اول مره يبون يتدخلون نعطيهم من الحين الحمراء نخليهم ينتفضون قبل لايطلعون كلمه ههههههههههه
يقولون ياريتهم ماجوا

الهنديه
وليه ماتمونين؟؟تمونين وثلاث ارباع بعد
وفعلا الي يعيش الشي غير الي جالس يفكر فيه من بعيد
احس البيت لسى بدري كثييير التفكير فيه
لاننا ما اندري نجرع كم نفر ههههه
بس عجبني مكان البلد في اسمك
عقبااالنا يارب

مهى
تصدقين عاد انا من النوع الي اذا اكتئب ولا قلقل يجلس ياكل
صرت كبر الباب من التفكير
اشتهيت عصير كوتكيل ههههه ارسلينا بحر هاوي وانا ارسلك كرتون تاج ايش ارايك ههههههه

قصر التوت
صادقه والله
ربي يعينا على غربتنا ويرجعنا لاهلنا هم تدخلات الناس ولا هم الغربه

وجدان
ربي يسر غربتكم وغربه كل البنات

بنت الناس
والله الغربه غربه وهمها واحد سوا اغتراب بارادتك ولا غصب عندك
الي يغترب علشان دراسه او وظيفه صح عنده هدف بس برضوا يعتبر كانه راح غصب عنه
حاجه يدعي ربه يقضيها بسرعه ويرجع لاهله وناسه
انا شايله هم التوجيب هذا لاني ما اعرف اوجب ههههه
واكثر شي اتضايق منه لما اطلع من بيتي غصب عني علشان مناسبه لازم احضرها
خصوصا اذا ناس مو ماخذه عليهم وتستحين منهم

meemee
اختصرتي الي في بااالي
( اللي اتجوزت هنا صعب انها ترجع لآن الرجوع بالنسبه لها مجهول خايفه منه ومش عارفه حياتها مع جوزها هتكون ازاي هناك)
بالضبط مو عارفه كيف راح تصير حياتنا لما نرجع
من والى اكبر الاشياء الى اصغرها

المسفهله
ههههههههه كلنا شايلين هم القيود الاجتماعيه
مع اني احب الطلعه والوناسه والجمعات
بس في اوقات مااا اقدر مخي يقول خلاص ابي اجازه من النااااس كلها

lojain99
مافي احد يحب انه الناس تتدخل بحياته
بس تصدقين هالاسبوعين الي رجعت فيها للداوم تعرف على صينيات وكوريات ولقيت تدخل غررررررررريب
مايمديني اقول شي الا سبع ميه سؤال طلعلي
حسيت فيهم عيرق سعودي خخخخخخ
يووه من زمان متزوجه ليه للحين ماعندك اطفال
ماتحبينهم؟؟طيب متى مخططين انتي وزوجك تجيبون اطفال
كم طفل ..بتجلسين بالبيت بعد مايجيك بيبي؟؟
ليه كل يوم تشترين غداء ..ليه ماتسوين غداك بالبيت زينا
انتي اكيد غنيه.. علشانك تشترين كل يوم قهوه لارج
يعني موبس لقافه لا وشكلهم بعطوني عيييييين علشاني كل يوم اشتري قهوه حجم كبير بدولار ونص

رنا
انشالله بتصير احلى ذكرى

شموع كندا
ايه والله وانتي صادقه مااافي احلى من الجلسه مع الاهل
امس تقولي وحده صينيه كم مره رحتي للسعوديه من جيتي هنا قلتلها مره كل سنه
قالتلي ليه ترجعين بغيت اذبحها .. قلتلها اهلي وصاحباتي هناك
وحتى لوماكانوا هناك بروح بس اشوف شوارع ديرتي واشم هوائها

الفتاه المتفائله
هلا والله
ياقلبي سبع سنين كثييره ربي يهون عليك البااقي
<<<<<<<<<<< تتفلسف هي ووجها غربتهم اكثر من 8 سنين ماراح منها الا اقل من2
ماعندي كلام اضيفه على كلامك جبتي زبده افكاري
(الحياة ونظامها عندما يختلف وخصوصا لسنوات طويلة وعوامل التغيير النفسية لها دور كبير في التأقلم او او الضد )

بنت الجزيره
هلا والله ياعسل
مشالله تبارك الرحمن ربي يهنيك بجيرانك ويهنيهم فيكم
المحرمات الي اقصدها مو شي كبير يخليك تستحين منه
لا اشياء بسيطه كنتي تقولين لاولادك انها حرام
يعني مره قريت هنا بالمنتدى وحده من البنات تعذرني نسيت مين بالضبط
لما ارجعوا للسعوديه لما يروحون ملاهي ولا شي عيالها طول الوقت يقولوها ماما ليش البنات لابسين كذا موهم مسلمين؟؟

هلالالالالالالالا وغلالا بحرم الدكتور
شخبااارك وكيف جو بريطانيا هاليومين
احنا جونا متقلب
ها متى بتجوون؟لاتقوليلي هونتوا

سلام للجميع ومشكوره يا حلوه على الموضوع المفيد
أول شيء كان ودي أشارك بموضوع الأخت الهنديه لكن لأني مارجعت للوطن وأيضا لأني ما طولت بالغربه هي سنه وشويه قلت أش راح تطلع تجربتي عند اللي مغتربين أقل شيء 4-5 سنين ... ولسبب مهم أتمنى تستحملوني علشانه وهو...... ماعندي اسلوب بالكتابه بالمره .... لذلك راح أكتب اللي عندي كله وإن أعجبكم كان بها وإن كان ماله سنع ياليت ماتردون علي وأنا راح أفهم (يعني ضفي وجهك ... مادام عارفه إنك ماتعرفين تكتبين ليش تزعجينا )................... نبدأ:

أنا أكثر شيء شايله همه أولادي وتربيتهم اللي تتأثر كل شوي لأني ساكنه بجده وأهلي بالقصيم وأحيانا نروح الرياض أو الشرقيه ...والأن أمريكا .... وراح نبدأ المشوار من جديد .... لأني لما أروح عند أهلي يتغيرون أولادي لأنهم يشوفون أولاد أعمامهم وأخوالهم وأبغى زي فلان وليه ماعندي زي فلانه ..و نفس الشيء إذا رحنا لمنطقه ثانيه لأننا بجده ما عندنا قرايب وأنا محدده صداقاتي لأن كثر الناس اللي تختلطين فيهم يأثرون على حياتك وتربية أولادك لأن كل ناس لهم طريقة تفكير وتربيه مختلفه ..... فكيف بلد مختلف عنك بكل شيء أكيد لما أرجع راح يتأثرون أولادي وهذا اللي خايفه منه لأنهم تأثرو بالمدرسه حتى صارو يكتبون العربي بالعكس .... هذا وهم ما درسوا إلا سنه بس كيف اللي أولادهم دارسين 4-5 سنين بغير بلدهم الله يعينهم .... صحيح إن التربيه زي البناء ... على قولت المقاولة الخبيره... ....... بالنسبه لتدخل الأخرين بحياتك وبطريقة تربيتك لأولادك فأنا بحكم إني بعيدة عن أهلي وأهل زوجي فما أعاني من المشكله هذي كثير ولكنني مقسمه التدخل لقسمين فتدخل أمي وأم زوجي ومن يريد مصلحتي فأنا ما أتضايق منه لأنهم يريدون مصلحتي أو من حبهم لأولادي .. أما تدخل من يريد الإنتقاد أو الإزعاج فأنا أطنشهم ولا يهمني كلامهم ...... وفي كل الحالتين أفهم أولادي وأقولهم أنا أمكم وأحبكم فلازم تسمعون كلامي أنا وأحيانا إذا قالت لي بنتي مثلا فلانه تسوي كذا وأمها ماتمنعها أقولها أنا ماأبيك تسوينه وأنا أمك وتسمعين كلامي وهي ماهي بنتي علشان أمنعها وإذا كانت أمها راضيه أو ماتدري عنها بكيفها وأحيانا أقولها البنت هذي ماهي مؤدبه وأنا أبيك دايما مؤدبه .... فالناس اللي يتلقفون يخافون من التلميح ويقولون بكره بتقولنا بوجيهنا (ربو أولادكم بعدين تدخلو بتربية غيركم)وأهم شيء الوحده تمشي على نظام معين لأنه مع الوقت الناس تفهم طريقتك وصحيح التدخلات ماراح توقف ولكن راح تقل كثير ... والكلام اللي ينقال على التدخل بتربية الأولاد ينطبق على جميع أنواع التدخل ...ولو إني أشوف إن العيش مع الأهل أو بالقرب منهم يأثر على حياة الوحدة ..لأني زمان إذا سافرنا عند أهلنا ماأشوف زوجي إلا بالصدفه حتى لما أريد المستشفى أو السوق يوديني أخوي لكن بعدين صرت لما أريد شيء لي أو لأولادي أتصل على زوجي وأخليه هو اللي يوديني أنا أو أولادي لأن الرجال إذا حس إنك مستغنيه عنه ماراح يهتم فيك .. لحد الحمدلله صار فيه تطور وصرنا ممكن نطلع نتمشا حنا وأولادنا بدون مانأخذ معنا (العوائل كلها)... رغم إني أحب الجمعة وأحب أطلع مع أهله أو أهلي لكن مرات ودي أطلع أنا وزوجي بس .. لأننا إذا كنا عند أهلنا لازم مانطلع إلا معهم أو إذا طلعنا ناخذهم معنا .... وكل شيء بالتعود يصير .. حبه ..حبه...

نصيحة مجربتها بعد أن قرئتها في كتاب لاتحزن للشيخ عايض القرني وهي: ( ضعي دائما أسوء الإحتمالات لكي تسعدي بما يحصل )وهذا لايمنع من التفاؤل ولكن لكي تجهزين نفسك ولا تتفاجئين بغير ماتوقعتي..

أما الصينيات اللي فيهم عرق ... حللللوووه... كمان فيه أمريكيات ملاقيف مره وحده جتني البيت والمشكله زوجي ماهو فيه وأختكم ماتعرف تتكلم إنجليزي وتورطت فيها وبأسئلتها اللي مالها داعي .... من وريني صور بيتك اللي بالسعوديه ... لكيف تزوجتي ... وهل أنتي إخترتي زوجك وقلتي لأهلك أبغاه ....وكيف هو تزوجك وهو ماشافك ....................... والمشكله الكبرى اللي يترجم بنتي عمرها 8 سنوات ومن كثر أسئلتها بنتي ضيعت العربي وصارت تجاوبها من عندها ...


ملاحظه:
الأولاد في اللغة تعني الولد والبنت......هذه الملاحظه لأني من كثر ماتنقلت في المناطق وتعرفت على لهجاتهم حتى المصري والتونسي أتكلمه ماعاد تعرفين لهجتي كل كلمه من مكان ...وكل أحد يقابلني يسألني أنتي من وين ........... فلما راجعت كلامي وجدت مرة كاتبه بزران ومره عيال ومره ...و,,,,
فقلت أختصرها وأكتبها فصحى ..


أعتذر على الإطاله والإسلوب .. وشكرا لتحملكم وقراءة خرابيطي.