اليوم طبقنا سهل كتير وزاكي كتير وهو من المطبخ الفلسطيني
مندخل دغري بدون كترة حكي دايما العدس اكتر من الرز
يعني لو اخدتي كوب عدس حط نص كوب رز والله ستي هيك علمتني :icon28:
منغسلهم كويس للعدسات ومنغسل الرزات كمان ومنحطهم سوا ومنحط عليهم مي <<<<<<<<احلفي
ومنتركهم على النار حتى يبلشوا يستووا ويدوبوا ولو حسينا انه بعدهم ما استووا وخبصوا وبدهم كمان مي منزيدهم حتى يخبصوا يعني غير عن المجدرة
ومنبقى منحرك فيهم كل شوي
بعدين منضفلهم ملح وانا من عندي بحطلهم مكعب ماجي
وبقلي بصلة بالزيت او السمنة على حسب الروقان وبحطهم فوق الرز والعدس يعني على الاخير
وبس نحس انهم خبصوا خلاص والمي بلشت تخف عنهم
منسكبهم بالاطباق ومنتركهم على جنب
وصراحة طيبة اكتر وهي باردة
ومنقدم حدها صلطة البندورة مع البصل
بس منقطع بندورة وبصل ومنخلطهم سوا مع رشة ملح وشوية حامض ونعنع ناشف
وبتقدموها بالف صحة وهنا
وان شاء الله تكون عجبتكم اكلتنا الفلسطينية الزاكية