مخبوص (من حايل) اسهل طريقه

السلام عليكم ورحمة الله
اليوم جبت لكم طريقة اكله اكثر من رائعه.. جربوها وشوفوا بنفسكم..
المقادير:
دجاجه مقطعه لاربع (منظفه)
كاسين و نص رز
خضار حسب الرغبه (انا عن نفسي احط كوسا + قرع + جزر + باذنجان)
بصله متوسطة الحجم مفرومه..
ثلاث فصوص ثوم مبشوره
مكعبين ماجي
اربع ملاعق كبيره صلصه طماطم
حبتين طماطم معصوره بالخلاط
بيالة زيت
ثلاث حبات ليمون اسود
قرون فلفل اخضر او احمر (حسب الرغبه) <===حسب الرغبه العدد مو ماتحطينه يعطي طعم خطير
ملعقه صغيره بهارات + ملح + عودين قرفه و دارسين

:cook: الطريقه:
غسلي الرز ونقعيه بمويه دافيه ساعه او ساعتين
حطي الزيت في قدر على النار وحطي عليه البصل والثوم و كشني شوي الين يصفر..حطي عليهم الطماط المعصور و الصلصه و الماجي والبهار و الملح و القرفه والدارسين.. وحركي كويس..اتركيه دقيقتين بس و بعدين حطي الدجاج وحركيه زين..وخليه على النار (نار هاديه) خمس دقايق مع التغطيه..
اضيفي له مويه الى ثلاث ارباع القدر (لاتشيلين هم كثرة المويه,, هذا السر)وغطي القدر زين نص ساعه... بعدها طلعي قطع الدجاج وحطيها بصينيه وادهني وجهها بالزيت وحطيها بالفرن عشان يتحمر الوجه... في القدر حطي الزر على المويه بعد ما تصفينه كويس من مويته .. اضيفي مويه..وحركي زين........ اهم شي تزيدين المويه (اصحك تنسين):02:
وخليه على نار هاديه جدا...(مع التحريك المستمر).. لمدة ساعه الا ربع .. الحين حطي الخضار و حركي الكل كويس لين تتاكدين ان الخضار صارت جوا الرز.. سكري الغطا و خليه لمده ساعه الا ربع اخرى مع استمرار التحريك....
بالنسبه للتحريك كل 5 دقايق حركي شوي لين يصير مثل الجريش

وبعد ساعه ونص على النار (مجموع الوقت) بيتشرب المويه و يصير يمممممممممم يمممممممم


بالف عافيه .... واي استفسار انا حاضره:27: