مختارات .............العضو الكريم/ نصر

يـاريـوف ياعـلـك بـحـالـي تـروفـيـن
لياقل شوفي وانحنت بي عصايه
يـمـيـن بـمـنـزل تــبــارك ويـاسـيــن
انك قمر عمـري وكوكـب فضايـه
أدراك بالـخـاطـر واعـامـلـك بالـلـيـن
وارجي عسى الله مايخيب رجايه
احــب مــن حـبـك واعــاد المعـاديـن
وادعي لـك الله بالستـر والهدايـة
فقـتـك الـبــارح وجـريــت صـوتـيـن
هاذي وهـي ليلـة وعنـد انسبايـه
كلـه غـلا ياويـلـي أثــر الـغـلا شـيـن
الله واســالــه لايـبـيــن غــلايــه
مــن حبـهـا حبـيـت كــل الصغيـريـن
صـارت محبتهـم بقلـبـي هـوايـة
عوتـك الممشـا عــلا شــان تمشـيـن
أشـد بالثنتـيـن واقـصـر خطـايـه
وليابكيـتـي قـمـت اهـلــل وتصـغـيـن
واحـيـان اغنـيـلـك وارددغـنـايـه
يضـيـق صــدري لاسـمـعـت تبـكـيـن
واجرصوتـي مـن خـلاي بخلايـه
وان جيت ابا اقفي عنك لديت بالعين
الــدرب قـدامـي واطـالـع ورايــه
رد الـوفـا يـريـوف مابـيـه هالـحـيـن
ابــيــه لادارات عـلـيــه رحــايــه
وابـيـه لامـنــه غـــدا الـلـيـل ليـلـيـن
لشتـدت الأيــام واضـلـم سمـايـه
وابـيــه لاعــــزوك فــــي الـمـعـزيـن
تدعيـن رب البيـت يغفـر خطايـه
اليـاكـتـب ربـــي فــــراق المـحـبـيـن
ثــم ادفنـونـي لابـتـي واصدقـايـه
تـوك صغـيـرة ســن منـتـي بتـدريـن
والعالـم الله وش تكـون النهـايـة
امــا التفتيـلـي وزيـــن عـلــى زيـــن
وإلا رميتـيـنـي بـــدار الـرعـايــة





للشاعر فهد المفرج
في ابنته ريوف==سنتان ونصف --
م
ن
ق
و
ل