كيفكم جميعآ ؟ إن شاء الله الكل بخير ؟ </B>
أول موضوع لي هنآ
إن شاء الله تعجبكم أطبـآقي الخفيفه :icon20:
كنت بنزله من يوم الاربعا وكتبت المقدمه وحملت الصور وفجاه ينقطع الاتصال :angry2:
والحمدالله الفني تكرم وجاء صلحه اليوم :icon18:
نبدا
صينيه الشاورما
الطريقه سهله جدا
نجيب صينيه بايركس ونقطع بطاطس دوائر 6بطاطسات حجم وسط
طبعا ينقع بمويه وملح وبعدها يشخل ويقلى ويصف في الصينيه
نجيب دجاج مفروم الطريقه المعتاده >>>عجزانه اكتبها
ونحطه على وجه البطاطس ونحط على وجه الدجاج خيار مخلل
اذا ماعندك قصـَصي خيار اعواد ونقعيه بخل لمده ربع ساعه
وحطيه ينفع وبعدها نجي للخلطه الوجه الي هي عباره عن ;
م ك مايلونيز
3ملاعق جبنه كاس
م زبادي
علبه قشطه
تخلط جيدا وتوضع بالفرن حتى تحمر شوي وتتماسك وتخرج من الفرن
وللتزيين
بقدونس وبالهناء والعافيه
الطريقه اول شي تجيبين صدور دجاج تقطعينه على الحجم الي تفضلينه بعدين تحطينهم بصحن وتصبين فوقهم نص كوب ماء وملعقه زيت وملعقه كركم وملعقه لون طعام احمر << اللون يحكي
وخليه عشر دقايق يتخمر زين مع اللون
جيبي خلاط وحطي فيه
2طماطم كبيره
3فصوص ثوم
شوي من الكزبره الطازجه انا ماحصلت طازجه حطيت المجمده
3ملاعق صلصة طماطم
نصف علبة زبادي
انا حطيت قرن فلفل حرارته وسط تقدرين تستغنين عنه
اخلطيهم زين واتركيهم على جنب
الحين جيبي بصل واحمسيه بزبده بعدين جيبي الدجاج الي مخمرينه وحطيه فوق البصل بدون المويه بس لاتكبين مويته خليها قلبيه شوي وحطي الحين نص حبه ماجي وبهارات المسالا اذا ماهي عندك حطي بهارات هنديه او اي نوع عندك بس افضل بهارات المسالا وحطي بهارات الكاري ملعقه وملح شوي وفلفل بودره احمر انا حطيت الي مره حار تقدرون تسغنون عن الحار
بعدين حطي عليهم ربع كاس ماء وخليه يتسبك شوي خمس دقايق
بعدين حطي الخلطه الي خلطناها بالخلاط على الدجاج + المويه الي خمرنا فيها الدجاج اول
خليه نص ساعه مغطى على نار هاديه بعدين افتحيه خلي مويته تثقل شوي وحطي نص او ثلاث ارباع كوب قشطه الخفق قلبيه وخمس دقايق
احس القشطه العاديه احلى حط علبه وحده
ذوقي ملحه اذا يحتاج زيديه
وهنا بعد ماخلص زينيه بالبقدونس
وقدميه مع الرز
مكرونيه البيتزا
نجيب صينيه بايركس ونجيب مكرونيه مسلوقه ونحطها بصينه
ونخلطها بنص علبه قشطه لين تمتزج مع بعض ونساويها بالصينيه
ونجيب كشنه البيتزا او بعباره اخرى صلصه البيتزا ض1
وتوضع الوجه بشكل متساوي من غير منمزجها
ونجيب الدجاج المفروم مسوى خالص ونحطه على الوجه
ونحطه شوي في الفرن لين يتماسك ونطلعه ونرش على الوجه جبنه كرافت
وفلفل اخضر وندخله الفرن لين تشوفون الجبنه بدت تحمر نطلع الصينيه
وبالهناء والعافيه
وبكذا انتهيت ادري الشرح ناقص خخخخخخخخ معرف اشرح بس الي
عندها اي استفسار انا حاضره
التصوير كان في السياره علشان كذا مو واضحه :icon20:
سينبون تتحدى حقت الكافيهات ض1
المقادير :
3م ك حليب نيدو
بيضه
ظرف كريم كرامل
فنجال سكر
فنجال زيت
كاسين كبيره ماء
م ك خميره
تخلط بالخلاط وبعدها نحط م ص بكينج بودر
كاس ونصف دقيق لين تشوفين العجينه متماسكه وتخمر لمده ربع ساعه
وبعدها نفردها على سطح مستوي مرشوش عليه دقيق اذا فردنها ندهن الوجه بشوي زيت ونرش
عليها نص فنجال قرفه مطحونه وفنجال سكر وملعقه صغيره نسكافيه
وربع فنجال جوز هند نساوي الحشوه على سطح العجينه
وبعدها نلفها ونبدا نقصها انا اقصها بالسكين
وادهن الصواني بزيت واحطها بشكل متباعد احسن وادهن الوجه بزيت
واتركها على الدرج ربع ساعه طبعا نكون مشغلين الفرن من تحت
وانتبهو لاتحمر مره وبعدها شغلو من فوق لين تحمر وبسرعه طلعوها
وحطوها بكاتمه وبعدها غطسيها بحليب مركز وصفيها بصينيه التقديم
ونجي للخلطه الوجه :
م ص قرفه
3 م حليب مركز
فنجال قهوه فستق مبروش
م ك زيت
توضع على النار وتحرك بسرعه حتى لاتحترق واذا وجدتيها متماسكه
ضعيها على الوجه وزينيها بالهيرشي
وبالهناء والعافيه
وهذا لااول وحده ترد والي مسويه دايت لاتقرب
واي استفسار انا حاضره