كثرت مواضيع فيها تساؤل عن لمعة الوجه وبالذات الخد الي تخليه صافي نظيف يلمع من غير ماتدبق
واحترنا كثير من مدح بعض المنتجات من مختلف الماركات منها الهاي بيم من بينفيت والدايموند كريم من فور ايفر وكثيييير
بعضهم عاجبهم وبعضهم ماقتنع فيهم
سؤال بس
هاذي اللمعه الي تقصدونها؟؟
وهنا من بعيد عشان تكون اوضح
اتوقع هاذي هي
طبعا البنت مستخدمه منتج سبق ذكرته عضوه اسمها سماره 333 على هالرابط
http://forum.hawaaworld.com/showthread.php?t=1640813
المنتج من ماك واسمه
cream colour base
وسعره 90 ريال
الاخت سماره اخذت هاذي الدرجه وهي تناسب كل الوان البشره ورقم الدرجه موجود برابط مووضوعها,,,
ولونه مثل شدو نايلون مثل ماقالت اختي شيهانه باحد مواضيعها
ومع البحث عن هالمنتج لقيت العالم هابين فيه وغير كذا متعدد الاستخدام
الي بالصوره على خد البنت نفسه بس درجه ثانيه لونها زهر روووز فااتح وطبيعي هاذي صورته بس ماعرف
رقم الدرجه بس اكيد لونه واضح بالمحل لان الزهري درجه وحده بس
هالمنتج يستخدم فوق الاساس بالطبطبه بالاصبع على عظمة الخد وشي بسيط على عظمة الانف
وايضا يستخدم للشفايف تحت القلوس وايضا لمعه لعظمة الحاجب او قاعده للشدو البيجمنت عشان يمسكه مايتنثر
لو كانت بشرتك حلوه وصافيه استخدميه لحاله او مع كريم ملون بس عجيييب مره حبيته,,,,
طبعا مو نستخدمه لحاله وبيعطينا هالنتيجه الحلوه الا اذا توفرت هالشروط
بشره نديه ومهتم فيها
بشره مهيئه للمكياج من تقشير وترطيب وماسك الخ الخ
بيس واساس مناسب لنوعية البشره
وغير كذا اللمعه صارت بهالشكل من انارة المكان الي قاعده فيه ومن التصوير
يعني الاناره والتصوير لهم دور في ابراز اللمعه
للتوضيح والفائده راح اذكر لكم خطوات مكياج البنت بس للوجه
اول شي وزعت على كامل الوجه مستحضر مره جااااازلي اسمه
Gosh primer
للتوضيح البرايمر هو مستحضر يمهد البشره قبل الاساس وجوش اسم الماركه
مادري اذا هو متوفر عندنا او لا
مثل ماانتو شايفين قوامه هلامي الي فهمته من الكلام الي طلع عنه ان بديل للبيس وتمتصه البشره
ويخليها نديه بحيث لمن نوزع الاساس يتوزع بسلاسه من غير مايترك اثر زيتي بل يترك اثر دهني خفيف يعني
يخلي الوجه كان فيه لمعه كريميه والبشره فيها طراوه من غير تدبيق
الي تعرف وين يباع ياليت تفدينا,,,,
بعدها حطت فوقه اساس من ريفلون وبعدين حطت منتج ماك على عظمة الخد ووبس
,,يتبع,,
اكيد بعضكم بيتسائل هل هالمنتجات تناسب البشره الدهنيه
انا مالي علم بس اتوقع راح يدبق لان البشره الدهنيه لها عنايه مكثفه وتهيئتها قبل المكياج تلتزم منتجات اكثر من البشره العاديه والجافه
يعني يبيلها مستحضر قابض للمسام او مستحضر الي يتحكم بالدهون عشان الاساس واللمعات ماتتبقع
بس فيه بديل يعطي نفس هاللمعه وهو على شكل بودره يعني عز الطلب ولا تزعلون هههههه
هاذي اضائه ذكرتها عضوه كويتيه دااايم اشوفها تمدحها بردودها
من ماك واسمها
light flush
ماعرف كم سعرها
بس تقول عالوجه كنها لمعه كريميه ولونها واضح متقزح بين الزهري والذهبي حلللللللوه وتستخدم بفرشه البلشر
وفي بعد من ماك بودره منثوره انا استخدمها تعطيني نفس اللمعه الي عالبنت بس على فضي
واسمها سلفر دسك وفيها من ذهبي للي حابه تسوي مكياج برونز اسمها قولدن برونز
روعه للجسم وثاابته وحتى عالخد مره حللللوه وسعرها 104 عاد انا ماخذتها من سنتين وللحين ماشاءالله ماخلصت
فماادري اذا زاد سعرها عن اول او لا
وبنت خاليت اخذت منهم بودره منثوره لونها روووز تجننننننن عالخد بس ماعرف اسمها هي اخذتها تقريبا من سنه ولا اذكر اسعر بس اكيد فوق 100
اذكر بعد المذيعه ندى من زمااان كانت مستضيفه محمد حيفاوي وهو الي مسوي لها المكياج وعلى خدها لمعه راااقيه وحلوه على لؤلؤي
واتصلت وحده سئلتها وقالها بودره من فور ايفر اسمها شاين اون باودر وفي منها درجات فضي وزهر وذهبي ولؤلؤي
لمعتها اهدا شوي من ماك بس حلللوه مره كانها كريم
يعني هاذي بديل للمنتج الكريمي لصاحبات البشره الدهنيه
وطبعا ميزة هاللمعات بشكل عام ابراز الخد واعطائه امتلاء
وغير كذا الـ cream colour base مافي منه درجة ذهبي برونز ماطلع مع البحث بس مدري يمكن فيه بالمحل لاني مانبشت بموقعهم
في منتج بعد من بينفيت اسمه FIRMOLOGY
شفته برد وحده بموضوع يخص لمعة الوجه تقول فيه انه يخلي الوجه يلمع مثل المرايا بس مدري قبل الاساس او بعده او لحاله
شكله حلو لانه لو يدبق ويبقع كان مامدحته الي مجربته تقولنا عن رايها فيه,,,,
ان شاالله اكون حليت لكم ازمة هاللمعه الي مسوين عليها صجه ويالله عاد لا اشوف موضوع وحده تقول فيه وش سر هاللمعه الخ الخ الخ هذاني ماقصرت :hahaha:
والله ملينا من كثر مايتكرر موضوع هاللمعه و جبت لكم الخبر اليقين وبالتفصيل بعد
طبعا المنتج الاول راح اشتريه قريب لان هو الي ادور عليه من زمان يعني انا ماجربته
الي حابه تنقله تذكر اسمي الله يجزاكم خير