مختصر موضوعي

السلام عليكم


انا الحمدالله طيبه بفضل من ربي وامي كذلك
ترددت كثير قبل اكتب الموضوع لاسباب كثيره من ضمنها ممكن احد من العائله يعرفني ولكن دام الموضوع وصل لامي انا راح اكتب بالمختصر مو عشان شي لكن التفاصيل تتعبني اكثر


سبب كسر يدي هو عصا ابو زوجي وايضا سبب لرفع ضغط والدتي


بعد كم يوم من سفر ابوي واخوي الوالده جلست عندي عشان نفسيتي كانت تعبانه مره وقالت بجلس عندها قلبي مايرتاح وهي كذا قال ابوي اجلسي وبعد اسبوع كذا يجي واحد من عيالك ياخذك


بعدها بكم يوم جا ابو زوجي وزوجي وطبعا دخلو بالمفتاح اللي معهم للاسف نسيت اغير الاقفال او اقول لاخوي يغيره
هو دخل الشايب من دخل وهو يسب بشرفي بالفاظ قذره ماكنه رجل لحيته توصل لسره وكلها وقار
طلعت انا قلت نعم وش قلت قال اللي سمعته قلت سبيتني تكلمت بعرضي من ورا ظهري تركتك لله حسيبك الحين جاي تقوله بوجهي
طبعا زوجي واقف ورا ابوه كانه حارس الشخصي له
وجلس الشايب يصارخ ويزابد ويسب ويلعن ويبي يدخل الصاله قلت امي فيه امي كاشفه انتظر تتغطا قال انتي طالعه على امك قليلة شرف وانا هنا خلاص ماقدرت اتحمل قلت اطلع برا وجيت بقفل باب الصاله الداخلي مو الخارجي قام دفه بكل قوه ودخل علي وضربني بالعصا على يدي
وولده اللي هو زوجي يوم شاف السالفه كذا جلس يمسك ابوه عني ويقول امش يايبه امش ويسحب ابوه
انا حلفت بالله ادخل قسم الشرطه وامي تحاول تمسكني قلت والله يدخل لو يزعلون اخواني والبس عبايتي ورحت للقسم على رجولي مسافه بينا بس ماحسيت بنفسي من القهر ودخلت وكلمت العسكري واخذ كل بيناته ووريته يدي قاال روحي المستشفى جيبي تقرير كذا ما اقدر اسويلك شي وجيبيه اثبات لك للايام بعدين
وسمعت كلامه ورحت للمستشفى وسويت كل شي
وطبعا امي اتصلت باخوي وقالت له واخوي يتصل فيني ما رديت خلصت كل شي ورجعت البيت


تخيلو بعدها طلعو عني كلام بين الجماعه اني سجنت ابو زوجي المكسين الضعيف المريض اللي فيه ضغط وخلوني ما اخاف الله وخلوني انا متهجمه عليه
وطبعا جو اخواني لكن قد خلاص سلمت للشرطه كل شي تقرير وعطيتهم اسمه واسم ولده
واللي يضحك الشايب يقول للعسكري خلها تعطينا اثبات ان جينا يمها ليه مو هي وامها متفقين علي
اخوي يقول فشلتينا الله يفشلك قلت قل له اثباتك خلهم ياخذون بصمات الباب لان فاتحين الباب بالمفتاح اللي معهم
وابوي واخواني زعلانين مايكلموني نهائيا ولا اعرف وش الجديد بالموضوع
لكن زوجي قايل للناس انا ماراح اطلقها هي ماتبغاني وطاردتني عن بيتها وفراشها وهو العكس
هذا المختصر البسيط عن اللي حصل لي وسبب كسر يدي اليسرى