مخزن المطبخ

ما شاء الله مساحة مطبخكِ ممتااازه

طيب كم مساحة البيت ككــل ؟

واذا مــا فيه مجـــال ليه ما تعملين غرفة تخزين فــــوق الدور الثالث

ومطبخك كثري فيه ادراج التخزين وخصصي لكِ درج للمواد الغذائيه وهــيك
والباقي يكون فووووووق

كيف مخطط البيت علشان نساعدك

شوفي يا غالية انا كانت عندي نفس مشكلتج بالضبط كان مطبخي 4.60 في 6 امتار وكنت محتاجة مخزن بس ما ابي اخسر مسافة المطبخ فتدرين شنو سويت؟
شفت الخريطة لقيت ان المطبخ ملاصق لحمام مجلس النساء ومغاسلها فرحت لغيت المغاسل وحولت المساحة المخصصة لهم لغرفة مخزن وكبرتها شوي وصغرت الحمام وسكرتها من جهة المجلس وفتحت للمخزن باب قريب من باب المطبخ فصار عندي مخزن صج صغير بس انا محتاجة لاي مساحة للتخزين
ولاني محتاجة لمغاسل لمجلس النساء فكرت بطريقة ان شاء الله تكون حلوة وهي اني درست وضع المجلس ولقيت ان المساحة اللي بين الباب والحمام وانتم بكرامة تعتبر ميته فبنيت فيها حيطة على شكل نصف دائرة صغيرة ملاصقة لباب الحمام وان شاء الله ساضع داخلها مغسلة وبذلك اكون وفرت احتياجاتي من مغاسل وحمام لمجلس النساء بدون ان يتأثر حجم المجلس واكون بنفس الوقت حصلت على مخزن استفيد منه وان شاء الله تستفيدين من تجربتي