مخطط بينتا اللي رسمته ينتظر ارائكم وتعديلاتكم بأفكاركم الرائعه

اختي انا اشوف ان لكل غرفة نوم المفروض تحطين حمام وغرفة ملابس عشان كل واحد ياخذ راحته وتكون الخصوصيه موجوده

نصيحه غرفة المعيشه لازم لها حمام مختلف عن حمام النساء وألا بيخترب عليك وحمام النساء طبعا مايحوي شاور مثل الباقي .........فعلا فيه خطأ في موقع غرفة النسا مادري أحسها تكون على زاويه أفضل وإذا مافيه إمكانيه لحمام للبيت غير حمام واحد وهو حمام النسا خليه مع المغاسل بين غرفة النسا والمعيشه أفضل بكثير.......

السلام عليكم ورحمة الله وبركاته

على السريع بقول لك أقترح عليك تفتحين غرفة المعيشة على مجلس النساء وخليه مجلس نساء واحد مساحته حلوة 5 × 9 ومفتوح على الصالة بقوس

وبالنسبة للدرج أقترح ينقلب تماماً يعني الحين حسب المخطط الطلعة قريبة من جهة مجلس النساء أسفل المخطط صح ؟
أنا أقترح عليك تخلين الطلعة من الناحية الثانية فيرتكز الدرج على جدار الصالة ووقتها تقدرين تخلين الجزء اللي قبل البسطة مستقيم عادي عشان المساحة والجزء اللي تحت البسطة يلتف شوي بمنحنى بسيط ترى بيفرق معاك كثييييير على الطبيعة ويحفظ لك مساحة كبيرة

بالنسبة للدور العلوي أشوفه حلو لو ملبي احتياجاتكم مع إني أفضل فعلاً إنه يكون لكل غرفة حمامها وغرفة ملابسها

بس أهم شيء أشوف لازم تعدلونه موقع غرفة النوم الرئيسية بالنسبة لبقية الغرف لاحظي إن غرفة النوم الرئيسية لاصقة بغرفة نوم ثانية وهذا الشيء أبداً ما يحقق خصوصية عادة في المخططات يفصلون بين كل غرفة والثانية بحمام فانتبهي لهذي النقطة زين وإلا راح تضطرون تتكلفون وتسوون عازل بين الغرفتين

كمان المنطقة اللي عند غرفة الغسيل والدرج الجانبي أحسها حرام ضايعة ؟؟ أحس يبي لها شغل شوي
والله يوفقك

اشكركم على التفاعل والتكرم بالرد

ام الورده والتفاحه



انا نفسي في هذا بس المشكله انه لابد يكون له اساس في الدور الارضي وفوق هذا مساحة الغرفه ما تسمح انه يكون في حمام وغرفة ملابس يعني تخيلي معي غرفه مساحتها 4×5 راح يكون فيها حمام واصغر مساحه للحمام 1.5×2 وغرفة الملابس نفس الشي يعني راح ثلث الغرفه وانا بحاجه الى مساحه

______

ملح الحياه



فكره وممكن بس بيصير اللي جالس في الصاله مقابل الحمام وممكن تكون حركه

_____

سعــ أم ــــود



المشكله زوجي يحب الجلسه العربيهوانا بحط في مجلس النسا كنب وما اتوقع بتزبط





الصراحه ما فهمت بس ممكن تحفظين صورة المخطط وتعدلين عليها بعدين تنزلينها اذا ممكن




مثل ما قلت الغرف ما تسمح انه يكون فيها حمام وغرفة ملابس لان المساحه صغيره




اساسا هذي غرفة طفل بابها على غرفة النوم لكن انا سكرته لانه اطفالنا ما يحتاج تعرفينهم ازعاج
واشكرك على هذا التنبيه وان شاء الله ننتبه له




يله على يدك جيبي لنا افكار يا ام الافكار انا مفكره اسكر الدرج مع حمام الغسيل بحيث يكون الغسيل والكوي هيناك وتكون غرفه وش رايك


في انتظار افكار البقيه

طيب حطوا الجلسة العربية عند ملحق مجلس الرجال وخلاص جزء الحريم لك صح ؟




مع احترامي الشديد لآراء الكل إلا إني ما أفضل فصل المجلس عن المعيشة بحمام خليهم بجنب بعض حتى لو ما قررتوا حالياً تفتحونهم بس عشان مستقبلاً لو حبيتوا تغيرون يكون الموضوع ممكن

بس بالنسبة لموقع الحمام أنا كنت أبي أقترح عليك بالأول تخلينه على اليسار يعني بجنب المستودع بس طبعاً يفتح على الصالة لكن رجعت لاحظت إن المهندس مخلي عندكم الحمامات كلها فوق بعض وهو طبعاً بهذي الحركة مفكر بنحاية التكلفة وبالصيانة خلي زوجك يحسبها كويس قبل لا يبدل مكان الحمام











العفو حبيبتي بس لأن هذي النقطة على أهميتها إلا إنه كثير ناس خاصة لمن يخططون بيتوهم بنفسهم يغفلون عنه



فكرة رائعة خاصة لو اهتميتي بتفاصيلها
يعني ممكن تخلين الواحد يدخل غرفة الكوي << أحلى يكون بغرفة مستقلة عن رطوبة الغسالة
ويكون فيها دواليب مفصلة بذكاء فتصير الشغالة لمن تغسل وتكوي فوق تنزل الملابس تحطها بهالدولاب فما يصير لها حجة داخلة وطالعة الغرف خاصة غرفتك وغرف أولادك الذكور ويصير كل واحد فيهم يتعلم ياخذ ملابسه من هناك ويعلقها بغرفته
كمان الملابس الوسخة تصير تاخذها من هناك بدل ما تجمعها من غرفهم
لو علمتي عيالك من بدري على هالأسلوب ترى بترتاحين كثير
وبغرفة الغسيل حطي الغسالة الأتوماتيك ومواد التنظيف اللي بتستخدمونها في نظافة هذا الدور

أو اقتراح ثاني ممكن تسوين لك مطيبخ صغير هناك لو ما كنت تبين تحطين كاونتر في الصالة تحتاجون لأنكم مكان للبرادة بدوركم وكمان لو حابة تسوين شاي قهوة يصير بدل ما تنزلين تحت

وبرضه أرجع أقول أنت أدري باحتياجاتك



بس عموماً فيه ملاحظة مهممممممة مرة وما انتبهت لها الظهر يوم دخلت لأني كنت مستعجلة
شايفة الممر اللي بجنب الدرج وعند الغرفتين اللي وحدة لها غرفة ملابس وحمام والثانية مشتركة مع الغرفة اللي بجنبها بحمام ؟؟
الممر هذا عرضه متر واحد فقط ؟؟ ولا أنت يوم رسمتيه غيرتي مقاسه ؟؟
اسمعي نصيحة أقل شيء خلي هالممر متر ونص مع إنه الأفضل مترين بس متر أحس اللي بيمشي من هنا بيطيح ؟؟


والله يوفقكم تراني مارة بهالمرحلة ومعانية منها عشان كذا ودي أساعدك