مادري مخططكم يبغاله تعديلات كثيره
مثلا خلي مجلس النساء ومجلس الرجال بدون ابواب اشرح للبيت بما انه صغير , حاولوا تلغون غرفة الطعام واستفيدوا منه بصاله شرحه لان صالتكم مافيها شبابيك تهويه والصاله الاساسيه خلوها بعضها غرفة غسيل وبعضها مستودع وغرفة الغسيل الاساسيه خلوها حمام للضيوف.

حبيبتي انا عندي خبرة المخطط فيه عيوب اهمها
بعد المطبخ عن غرفة الطعام يفترض انه ملاصق له
بعد الحمام عن مجلس النساء
توزيع دورات المياه غلط عموما لاتستعجلين ودوري افضل

الافضل ادورين مخطط اخر وشكرا

حبيبتي حلو مرة نفس تخطيط شقتي
لكن ياختي خذيها مني نصيحه الحمام الي جنب غرفة النوم اضيفيه لغرفتك وخلي بابه على غرفة النوم عشان اذا كبروا عيالك شوي تنحرجين تخرجين قدامهم للاستحمام ههههههه فهمتي علي خليك مستوره بغرفتك افضل وهي نصيحة مجرب

لا تستعجليييييين ,, مكان المقلط غلط إذا عندك رجال صعب تقلطين فيه وأنا أرى إنه المقلط ماااااله داعي بس تضيقين على نفسك علشان لو جاك ضيوف ,, وإذا ضيوفك قليل جدا الأفضل يكون مجلس واحد إذا جاء حريم عندك ضيفيهم في مجلس الرجال وإذا جاء حريم ورجال جميع ضيفي الحريم في الصاله والرجال بالمجلس وسوي لكم صالة معيشه تفتح على الصاله بدال غرفة الحريم ,, إن شاء الله إنك فهمتي علي وإذا بغيتي تفصيل أوضح ممكن أعدلك على المخطط بس راجعيني على الرسائل الخاصه ممكن ما أرد للموضوع ..