** مخطــوبة وتجهزين لعرسك تعالي معاي أعلمك على أسراري *

القرآن كتابي • 14 سنة

موضوع متكامل ورائع

انا ناوية على شهر عسل جديد ان شاء الله

واستفيد من أفكارك الرائعة

*دريم ويب* • 14 سنة

والآن بدأ العد التنازلي :icon28:

خلصنا من شنط السفر وشنط ليلة العرس ..
اللحين نجي لليلة العرس.. قبل العرس بيوم تكونين مخلصة كل شغلك من بدري ويكون هذا اليوم ريلاكس لك..

روحي المشغل وخليهم يسوون لك مسااج ويسوون لك بوديكير ومنيكير

وعقب رجعي البيت وتعشي عشى خفيف وانتبهي يكون فيه بيض او بقوليات او حليب عشان لا يسبب لك غازات او افرازات كثيرة ..

اكوي طرحتك بالبخار اذا تحتاج كوي وعلقيها مع الفستان..
ولاتنسين اهم شي قميص النوم.. حطيه في صندوق " راح أذكر لكم طريقته بالتفصيل" .. ..

واكوي عبايتك الخاصة للعرس وجهزيهاوبخريها وحطي فيها عود وبخور..
واقري سورة البقرة كامله مع المعوذات وانفخي على نفسك ونامي

نامي بدري عشان تقومين بدري.. سوولي لك فطور سندويشات عسل وبينت بتر وعصير تفاح او اورنج..

وعقب خذي لك شاور سريع بدون تفريك عشان مايطير الحناء
وغسلي شعرك بالشامبو كويس..
عقب البسي لك لبس فيه ازرار عشان لمى تفضخينه ما تخترب تسريحتك ولا الميك اب..

سوي لك ماسك خفيف ماي ورد ونشاء 15 د وامسحيه..

انا استخدمت اقنعه حقت شانيل اللي تعطي إضاءة وتنفخ الخدود فيها كولاجين وكانت رووووعة
يجي زي كذا

عقب .. خلي يكون معك فصوص كرستال مشتريتهم من قبل عشان الكوفيرا تركبهم لك مجاني لان الكرستال حقهم غالي كل حبه بـ5ريال.."انا خذتهم من الحناية حقتي"

عقب.. ما غسلتي وجهك من بعد القناع .. البسي عبايتك وجهزي شنطتك وتأكدي ان فلوسك كاملة للكوافيرة ولاتآخدين بالضبط نفس السعر المتفق زيدي عليه ممكن تحتاجين شي ولا شي..

جهزي كيس حلو وحطي فيه التاج اللي راح تلبسينه + فصوص الكرستال
وعقب جيبي الكيس القماش اللي ينحط فيه فساتين السهرة وحطي فيه طرحتك..

واذا تحبين يحطون لك ورد طبيعي بشعرك حاولي تمرين محل الورد قبل بوقت .. قبل لاتروحين الكوافيرة..

اللحين رحتي الكوافيرة .. واستشور لك شعرك وسوو لك التسريحة ..
حاولي تتغدين قبل لا يحطون لك الميك اب لان العرووس بتموت من الجووووع عن تجربة:35:

ونصيحة لا تودين فستانك معك المشغل كذا وحدة اعرفها انسرق فستانها من المشغل والله فا خلوة في البيت احسن او احد يودي اغراضك للصالة العرس..

اللحين خلصتي من كل شي وطلعتي قمر 14 ..
لاتنسين نقطة ..
في بعض المشاغل يسوون لك حمام فرنسي او ملكي وتتفصخين وتقعدين في بانيو يا بنات والله حرام وغير كذا تجيكم التهابات الله لايرويكم..

وقولي للي تحط لك المكياج تمكيج يدينك ورقبتك وظهرك وصدرك عشان ما يصير في فرق باللون..

اللحين قرب الوقت والقلب يدق بم بم :o: تركتها لكم ياعرايس خخخخ
اول ماتدخلين البيت وغرفتك
اول شي تسوينه تروحين الحمام الله يكرمك ضروري لان مع فستانك هذا كبره شلون بتروحين بعدين خخخ:39:

طلعتي من الحمام .. لبسي الاندروير الابيض المكشكش خخخ حق العرس والبسي معاه كيرفري..
والبسي ستيان السيلون اللي بدون سيور والسليكون ميزته يرفع صدرك ويسويه كانه كبير عشان كذا وقت ما تفصلين فستانك لازم تكونين لابسته ..
لانه يآخذ مساحة ..
"تلقينه في نعومي"

اللحين لبستي ملابسك الداخليه حطي لوشن التوت البري على جسمك على خفيف لان جسمك فيه اساس ..
وعقب حطي قلتر في كل جسمك وهي لمعه ممكن تطلبين من الكوفيرة تحطها لك.

وقلتر ميك اب فور ايفر فظييييعه مرررره..

اللحين حطي مسك روز او دهن عود كمبودي تحت اذونك وامكان النبض وامسحي على ملابسك الداخلية..

اللحين البسي فستان اي شي خربوطي بس لازم فيه ازره ..
وخذي شنطة الفندق وياك مع شنطتك اللي جايه طقم مع فستان عرسك ولاتنسين تلبسين صندلك الابيض..

اللحين خلي ابوك ولا اخوك يحط شطنك بالسيارة ولا ينزلهم ..إلا لمى تطلعين مع زوجك يحطونها بسيارته..
وحطي صندوق قميص النوم بعد بالسيارة او وديه الفندق بالصباح قبل لا تروحين الكوافيره..

*دريم ويب* • 14 سنة

اللحين خذي فستانك معك + الجابون داخل كيسة الفستان ..

وطيران للصالة..
اول ماتدخلين الصالة روحي غرفتك الخاصة للعروس والبسي فستانك وامسكي المسكة يا حركات انتي:35:
وكلللللووووليش والف الصلاة والسلام عليك يا محمد رسول الله ..
خلص العرس..

خلي احد يساعدك من البنات الصغار يرفعون لك ذيل الفستان عشان تركبين السيارة وخلي والدك او اخوانك يحطون اغراضك بسيارة زوجك..

طبعا اول ماتدخلين الفندق .. اقعدي بفستانك وانبسطي فيه ..
عقب ادخلي الحمام وافصخي فستانك وخذي شاور سريع وفككي تسريحتك وغسلي شعرك بالشامبو وامسحي مكياجك
وتعطري وتعدلي والبسي قميص النوم الابيض..

في بنات سألوني وين احط فستان العرس الكبير مع الجبون النافش ..
انا كورته زي الدودة مع زوجي وحطيته بكيس الفستان داخل الدولاب ..

واللي ما تعشت ما اظن راح تتعشين بتنامين على لحم بطنك ما اظن في مطعم فاتح الساعة 2 او 3 الفجر
انا اخت زوجي اللي يسلمها جابت لي صحن من البوفيه قبل لا اروح الفندق بدقايق واكلت..

وفي بنات سألوني كيف استشور شعري ثاني يوم العرس وبيسمع الصوت وفشله ومدري ايش..
والله انا قمت الصباح وفطرنا وعقب استشورت شعري عادي حطيت على اوطى شي لووول:27:

وفي بنت كاتبه ماتقدر تقعد مع رجال غريب في غرفة وحدة اقولها ..
قولي دعاء
اللهم اجعل السكينه في قلبي واقري المعوذات ومالك شر

نقش الحناء • 14 سنة

رووووووووووووووعه...

*دريم ويب* • 14 سنة

عندي لكم يا بنات طريقة حلوة لحفظ الملابس الداخلية وقمصان النوم وتخلي ريحته ورد بورد
وانا سويت هالحركة بقميص نومي لليلة العرس بس ماقدرت اويه قبل للفندق وديته بنفس اللحظة..

الأغراض ..

صندوق شكله حلووو أو صندوق قش ملون بألوان حلوووة زي هالاشكال

نجيب ورود مجففه أو إصناعية ونحطها في داخل الصندوووق..

وعقب نشتري أكياس زي كذا بس اكبر..

ونحط قمصان النوم بداخلها كل قميص مع نفس لون الكيسة وندهنها بدهن العود ومسك روز من أجمل .. ونسكرها
ونحطهم كلهم داخل الصندوق

عقب نجيب ورد مجفف زي اللي في الصورة فوق

ونتثرينهم على الاكياس من فوق وعقب .. تجيبين كور معطرة من ستي بلازا أو نكتار او لافيندروز وتحطينهم فوق الورد

بعدين جيبي بخور ملكي دوسري لأنه ريحته يخبل يجنن وبخري الصندوق..

وتحطين بعدين الشموع للزينة إذا تحبين

ورشي رشتين من عطر جيفنشي

وبعدها راح تدعووووووووووون لي دعووووووووووووة حلووووة .. الصراحة هالحركة من صديقتي أم الجوري الله يوفقها ويسعدها دنيا وآخره

راجعه لكم بعد الغدى

+4