مخطوبة والمشاكل اكثر من الفرح والانبساط ماذا افعل؟؟؟؟؟مابدي اندم

سلام عليكم والرحمه


كيفكم اخواتي ؟؟؟


مشكلتي عم بتزيد ومش عارفه ايش اعمل

احب خطيبي وخطيبي يحبني

لكن المشاكل على مواضيع سخيفه ومستمره

خطبتنا مستمره للآن شهرين وفي هذه المده كلها مشاكل و نكد

أمثلة :
1: اول فترة الخطوبة ما كان يجي عندي تحت اسم الخجل ، صرت اشد عليه وازعل منه واحكيله بدي اشوفك بدي نحكي مع بعض صار يتبع معي اسلوب انه بده يجي بس اهلك ما بصير (( للعلم اهلي بشدوا علي لازم يجي عشان تتعرفوا على بعض اكثر)) كل ليله اقنع فيه وينشف ريقي وبعديها يجي بصراحه صار عندي ملل من هالاسلوب ، صرت بعد فترة اسبوع بس يقول ما بقدر اجي احكيله خلص على راحتك ( يزعل :09: ) غريب يا ....(اسمي ) ليه ما بدك اياني اجي :09: .
صارحتك وانا مدايقه انه هذا الاسلوب ما بريحني كل ما بدك تيجي ينشف ريقي لتزورني وهذه مش حياة . وعدني انه يتغير ( وتغير وصار يجي بدون ما نتفق فجأة:42: . ===== هذا اول شهر من خطبتنا .

2: اجى عيد الأضحى ( من عاداتنا اول يوم العيد اهل الخطيب بتصلوا بالخطيبه ويعيدوا عليها تقديرا لها و يجي الخطيب ويعيد على خطيبته اول يوم العيد و يعيدها ذهب وبعديها بفترة العيد يجي اهل الخطيب ويعيدوا على اهل الخطيبه )
اللي صار ظروف خطيبي المادي شبه سيئه ما حبيت اكلف عليه سألني اعيدك ذهب ولا فلوس (ناشف) فكرت فيها قلت الناشف بكون اقل من الذهب .
حكيتله لأ ناشف ( فلوس) حكالي بده يجي ثاني يوم العيد يعيد علينا . حتى اتجاوز الغلط حكيتله تعال اول يوم حابه اشوفك اول واحد بالعيد( رفض).
اجى اول يوم العيد اتصل الظهر يعاتبني ليه ما اتصلت بأهلي :eek: حكيتله لازم همه يتصلوا فيي ( للعلم عاداتنا وعاداتهم وحده - فلاحين من فلسطين ).
المهم زعل وعصب واتصل المسى يحكيلي انتي ما بتردي علي ،انتي بتعانديني ، انتي بتعامليني ندّ بندّ ، هذه مش حياة ما في تفاهم .
وضحتله ايش هيه العادات وتقاليد وحكيتله سألت مية فلان حكولي بالمبدأ يتصلوا ويعيدوا عليك لأنك بنتهم الجديده . ما اقتنع قالي طيب اتصلي فيهم واحكي لأهلك انهم همه اتصلوا فيكي :eek: .

ثاني يوم اجوا اهله يعيدوا علينا اهلي كانوا زعلاني من هالتصرفات وما كانوا مثل العاده ( ناشفين معهم) بس كرموهم واحترموهم ( هوه ادايق ليه اهلك هيك ناشفين حكيتله انصدم تفاجأ انه معقول لهدرجه ) المهم اهله حلفوا يمين انهم ما بعرفوا بهذه العادة لأنه ما تعاملوا ما نسايب او ايش يعملوا واعتذروا وانتهى الموضوع .

بس هوه مش راضي يعترف انه غلط بحقي وبضل يحلل بالموضوع انه امك ما كان لازم تكون هيك امك عصبيه وانتي مثلها امك مش طايقتني .

واطنش اطنش اطنش

صار لما نطلع ونضحك شوي يفتح موضوع العيد ويعلق على امي .
وصار يحكي الأمهات لازم يرشدوا اولادهم لطريق الصحيح مش يسبوا على انسيبهم مثل بعض الأمهات :eek: ( احلف بالله امي ما طلعت منها كلمه سيئه عليه بوجوده او عدم وجوده ) طبعا لما حكى هيك طار عقلي و اختصرت الموضوع وسكرت الخط .
وزعلت منه يومين وحكيتله ما بمسح للأي اي يهين امي او يذكرها بالسيء . صار يقول مين اللي حكى عنها ؟؟؟؟ يستهبل .

اخر مشكله ( اسفه اخواتي عالاطاله )
امبارح

كان عيد ميلاده وله اسبوع مدايق من ظروف عائليه ما رضي يحكيلي اياها ، انا من جهتي حبيت اغير نفسيته و نجدد علاقتنا حكيت مع امه تأكدت انه ما حدا جاي عندهم او همه بدهم يطلعوا ايا مكان وخبرتهم اني جاي المغرب ، رحبوا فيي من كل قلبهم ) للعلم هذه ثاني زياره ازورها لبيت اهله .